Heimsmeistarakeppni matreiðslumanna heldur áfram í Lúxemborg og nú er komið að seinni keppnisdegi íslenska kokkalandsliðsins í dag og spennan er í hámarki enda langur og strangur dagur framundan.
Íslenska kokkalandsliðið hóf seinni keppnisdaginn sinn núna í hádeginu hér í Lúxemborg en hér hefur keppnin staðið síðan á föstudag. Eins og kom fram í fréttum á sunnudag vann liðið til gullverðlauna fyrir fyrstu keppnisgreinina sína sem var “Restaurant of Nations” sem saman stendur af þriggja rétta heitum matseðli sem var eldaður fyrir 110 manns. Í dag er keppt í svokölluðu Chef’s Table sem er þrettán rétta fine-dining máltíð fyrir 12 manns og lýkur keppninni í dag ekki fyrir undir klukkan 22:00 að staðartíma. Úrslitin verða í þessari grein verða svo kynnt á morgun.
„Þetta kallar á úthald hjá okkar fólki, það er ágætt að hafa tvo daga á milli því það má varla minna vera á milli keppnisgreina sem þessara. Þessir dagar eru nýttir í stanslausan frágang, undirbúning og fíniseríngar. Metnaður er mikill og kröfurnar sem liðið gerir til sjálfs síns eru mjög miklar, segir Þórir Erlingsson forseti Klúbbs matreiðslumeistara sem á og rekur Íslenska kokkalandsliðið. Þórir er á staðnum með liðinu ásamt nokkrum fulltrúum klúbbsins sem eru hópnum til aðstoðar.
Liðið ætlar sér að ná verðlaunasæti
Liðið ætlar að fylgja eftir framúrskarandi árangri liðsins frá síðustu Ólympíuleikum í Stuttgart þar sem þau fengu brons verðlaun fyrir samanlagðan árangur í byrjun árs 2020 sem er framúrskarandi árangur og sá besti til þessa.
Keppnismatreiðsla er í rauninni frádráttarkeppni og er fyrirkomulagið þannig að það byrja allir með 100 stig sem lækkar síðan með tilliti til snyrtimennsku, fagmennsku, útlits rétta og bragðs. Gullframmistaða er 90 stig, silfur 80 stig og brons 70 stig. Á mótinu í ár eru um 20 lönd sem taka þátt. Úrslit verða svo kynnt Lúxemborg á fimmtudaginn og liðið kemur svo heim á föstudag.
Íslenska kokkalandsliðið skipa:
Þjálfari kokkalandsliðsins er: Ari Þór Gunnarsson Fastus
Fyrirliði kokkalandsliðsins: Sindri Guðbrandur Sigurðsson veitingastaðnum Héðinn Kitchen Bar
Aron Gísla Helgason, veitingastaðnum Héðinn Kitchen Bar
Gabríel Kristinn Bjarnason, veitingastaðnum Héðinn Kitchen Bar
Ísak Darri Þorsteinsson, veitingastaðnum Tides
Erla Þóra Bergmann, Pálmadóttir veitingastaðnum Fjallkonan
Jakob Zarioh S. Baldvinsson, veitingastaðnum Sumac
Sveinn Steinsson, Eflu verkfræðistofu
Ísak Aron Jóhansson, Lux Veitingum
Chidapha Kruasaeng, Mosfellsbakarí og HR Konfekt
Ívar Kjartansson, veisluþjónustunni Rétturinum
Aþena Þöll Gunnarsdóttir, veitingastaðnum Fiskfélaginu
Hringur Oddsson, veitingastaðnum Tides
Marteinn Rastrick, Lux Veitingum
Grjóthörð súkkulaðistytta mætt í hús, center peace, sem þarf að hafa á þjónustuborði liðsins við framreiðslu rétta dagsins. Íslenski víkingurinn í fullri reisn.
