Þessa dagana er vor í lofti og þá finnst öllum svo gaman að grilla og njóta. Berglind Hreiðars köku- og matarbloggari hjá Gotterí og gersemar er komin á flug með grillið og veit fátt skemmtilegra en að grilla í góðu veðri. Hér eru á ferðinni kjúklingaspjót og undurljúffengir rjómaostafylltir sveppir með frönskum og kaldri sósu af betri gerðinni.
„Ég er alltaf að verða hrifnari af því að nota kjúklingalærakjöt í stað þess að nota bringur eða lundir því mér finnst það kjöt einfaldlega alltaf verða meira djúsí.“
Kjúklingaspjót og fylltir sveppir
Fyrir 4-5
Kjúklingaspjót
900 g úrbeinuð kjúklingalæri
100 ml Caj P grillolía – Honey
100 ml Caj P grillolía – Original
Skerið hvert kjúklingalæri í tvo hluta. Setjið kjúklinginn í skál og veltið upp úr grillolíunum og leyfið að marinerast í að minnsta kosti klukkustund (yfir nótt er líka í lagi). Þræðið upp á grillteina og grillið á vel heitu grilli í nokkrar mínútur á hvorri hlið þar til kjúklingurinn er eldaður í gegn.
Fylltir sveppir
10 meðalstórir sveppir
1 dós Philadelphia rjómaostur með hvítlauk og kryddjurtum.
Hunang og graslaukur yfir í lokin.
Takið stilkinn úr sveppunum og skafið aðeins innan úr þeim. Fyllið með rjómaosti og raðið á álpakka/eldfast mót sem má fara á grill (einnig má þetta fara í 200°C heitan ofn). Setjið á efri grindina á grillinu á meðan þið grillið kjúklinginn (í um 10 mínútur). Setjið smá hunang og saxaðan graslauk yfir áður en sveppirnir eru bornir fram.
Annað meðlæti
Sætkartöflufranskar (keyptar tilbúnar og eldaðar)
Heinz hvítlaukssósa (keypt tilbúin í flösku) eða önnur köld sósa af eigin vali.
*Hráefnið fæst í verslunum Bónus
