Áslaug Björg Harðardóttir gaf á dögunum út matreiðslubók. Sérstaða matreiðslubókarinnar er sú að hver máltíð kostar undir þúsund krónur. Í bókinni eru fjölbreyttar uppskriftir af góðum mat sem er eldaður úr gæða hráefnum. Það eru engar unnar kjötvörur í uppskriftunum og allt grænmeti og ávextir er ferskt.

Í bókinni gefur Áslaug Björg einnig góð ráð til að spara og minnka sóun. Í stuttu máli er þetta nett bók um ódýran mat sem er auðvelt og fljótlegt að elda.

Áslaug hefur áralanga reynslu af matreiðslu og hefur unnið á veitingastöðum og veiðihúsum. Áslaug er einnig reyndur sölumaður eftir að hafa rekið heildsölu um áratugaskeið.

Hún deilir hér einni uppskrift úr bókinni.

Spaghetti carbonara

Hráefni

1 pakki ferskt spaghetti

120 gr beikon

100 gr ostur

40 gr parmesanostur

2 egg

Tvær brauðsneiðar

Aðferð

1. Hitið pönnu, skerið beikonið í ræmur og steikið þangað til þær eru gullnar
2. Grófrífið ostinn, sjóðið spagettíið í tvær mínútur og setjið 1 msk. smjör og svartan pipar út í og hrærið
3. Skiptið spagettíinu í skálar, raðið beikoninu ofan á og síðan ostinum
4. Að lokum eru eggin tekið og rauðan skilin frá hvítunni, rauðan er sett í skurninni í miðjan rettinn
5. Fólk hellir rauðunni yfir réttinn áður en það byrjar að borða
6. Gott er að hafa grillað ostabrauð eða hvítlauksbrauð með