Mathallir hafa sprottið upp eins og gorkúlur á höfuðborgarsvæðinu undanfarin ár og svo virðist vera sem æðið sé ennþá í gangi. Fréttablaðið greindi frá því í blaði dagsins að áform séu nú uppi um að breyta Vesturgötu 2 í slíka mathöll.
Í grein Fréttablaðsins segir að Davíð Pitt arkitekt hafi lagt fram fyrirspurn til skipulagsstjóra Reykjavíkur en samkvæmt fyrirspurninni stendur til að koma upp matarmarkaði og veitingaþjónustu í húsnæðinu. Þessi mathöll væri með 10-12 básum í kjallaranum og á fyrstu og annarri hæð í húsinu. S
kipulagsstjóri er búinn að taka málið fyrir og segist ekki ætla að gera neinar athugasemdir við breytinguna. Það virðist því vera sem þriðja mathöllin í miðbænum fái að láta ljós sitt skína á næstunni en nú þegar eru vinsælar mathallir á Hlemm og á Granda.