fbpx
Sunnudagur 09.ágúst 2020
Matur

Karamelluostakaka og Spaghetti carbonara – fullkomið matarboð

Tobba Marinósdóttir
Föstudaginn 10. júlí 2020 18:48

Ekki missa af Helstu tíðindum dagsins í pósthólfið þitt

Lesa nánar

Matgæðingurinn Una Guðmundsdóttir á unabakstur.is hvetur lesendur til að bjóða í matarboð um helgina með þessum skotheldu uppskriftum.

Ananas- og karamelluostakaka

Hér er uppskrift að ferskri og sumarlegri ostaköku sem klárast án efa enda er karamellusósan algjört lostæti.

260 g Maryland-kex
30 g smjör
200 ml rjómi
170 g rjómaostur
2 tsk. vanilludropar
4-5 sneiðar ferskur ananas

Byrjið á því að mylja niður Maryland­kex í matvinnsluvél, bræðið saman smjör í potti og hrærið kexblöndunni saman við áður en þetta er allt sett saman í form.

Þeytið rjóma vel.
Hrærið rjómaostinn sér svo að hann verði léttur og kekkjalaus. Blandið honum varlega saman við rjómann og  vanilludropana.

Skerið niður þrjár sneiðar af ferskum ananas í fremur litla bita. Setjið þá saman við rjómaostablönduna og þeytið varlega í um 1 mínútu.
Hellið blöndunni yfir kexið í forminu.

Karamellusósa
80 g Dumle-karamellur
20 g smjör

Bræðið saman smjör og Dumlekaramellur í potti við vægan hita.
Leyfið karamellunni aðeins að kólna áður en hún er sett yfir kökuna.
Skreytið með ferskum ananas.

 

Spaghetti carbonara

Spaghetti carbonara hefur alltaf verið einn af mínum uppáhalds pastaréttum.
Ég hef gjarnan lent í vandræðum með að finna góða ljósa pastasósu en þessi er hins vegar einföld í framkvæmd og smakkast alltaf jafn vel. Fá hráefni og tiltölulega fljótgerður réttur.

400 g spaghetti
200 g beikonstrimlar
2 stk. hvítlauksrif
3 stk. egg
100 g parmaesanostur
Salt og pipar
Steinseljubúnt

Byrjið á því að sjóða spaghetti í vatni og olíu og gætið þess að salta vatnið vel.
Steikið saman á pönnu beikonstrimla og pressuð hvítlauksrif. Þeytið saman egg og rífið niður parmesanostinn í skál, saltið og piprið eftir smekk.

Þegar pastað er soðið er 1 dl af vatninu tekinn til hliðar áður en það er sigtað og sett á pönnu ásamt beikonblöndunni.
Steikið svo spaghettiblönduna og beikon­ og hvítlauksblönduna við vægan hita, slökkvið á hellunni og
blandið eggjablöndunni saman við og hrærið vel saman.
Þá er ekkert eftir nema að bera réttinn fram og finnst mér gott að strá bæði smá parmesanosti yfir og steinselju.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Matur
03.07.2020

Uppáhalds veitingastaður Ricky Gervais í Reykjavík kominn með nýjan eiganda

Uppáhalds veitingastaður Ricky Gervais í Reykjavík kominn með nýjan eiganda
Matur
30.06.2020

Bjóðið fráskildum vinum ykkar í mat

Bjóðið fráskildum vinum ykkar í mat
Matur
11.06.2020

Eva Laufey býður í samlokupartý – Frítt fyrir alla

Eva Laufey býður í samlokupartý – Frítt fyrir alla
Matur
08.06.2020

Svona leit McDonalds út á níunda og tíunda áratugnum

Svona leit McDonalds út á níunda og tíunda áratugnum
Matur
03.06.2020

Segist aldrei þurfa að skamma son sinn þökk sér vegan-mataræði

Segist aldrei þurfa að skamma son sinn þökk sér vegan-mataræði
Matur
02.06.2020

Skerðu vatnsmelónuna á skotstundu með tannþræði

Skerðu vatnsmelónuna á skotstundu með tannþræði