Raunveruleikastjarnan og snyrtivörumógullinn Kylie Jenner, 22 ára, fagnaði mæðradeginum á sunnudaginn. Hún fékk sér köku í tilefni dagsins og deildi mynd af kökunni á Instagram. Twitter logaði í kjölfarið og fór það fyrir brjóstið á mörgum hvernig Kylie skar kökuna.
Fjöldi fólks gagnrýndi Kylie og sagði meðal annars einn netverji á Twitter að hvernig hún sker köku sé merki um að hún sé geðsjúklingur.
„Þetta lætur mig iða í skinninu,“ sagði annar netverji.
Kylie ákvað að svara fyrir sig á mánudaginn. „Það truflaði fólk alveg svakalega hvernig ég skar kökuna mína, þannig þetta er fyrir ykkur,“ sagði hún og skar hringlaga sneið í miðja kökuna.
Hvað segja lesendur, er ekkert að þessu eða er þetta siðlaust með öllu eins og sumir netverjar vilja meina?
