Una Guðmunds matgæðingur DV setti á sig jólasvuntuna og smellti í allt sitt uppáhaldsgúmmelaði fyrir jólin. Nú má byrja að sigta flórsykurinn og hlusta á jólalög.
Að þessu sinni deilir hún með lesendum dásemdar jóla-útfærslu af hinu geisivinsæla döðlugotti.
Jólagott
Hérna kemur uppskrift af döðlugotti sem að ég ákvað að útfæra á jólalegan máta.
400 gr döðlur
250 gr smjör
125 gr púðursykur
2 bollar rice crispies
100 gr kókosflögur með karamellu og sjávarsalt (nýung frá H- berg)
100 gr trönuber
200 gr suðusúkkulaði til að hjúpa
30 gr kókosflögur grófar til að skreyta
Gróft Maldon salt til að skreyta með
Byrjið á því að skera dölurnar smátt.
Setjið smjörið, döðlurnar og púðursykurinn saman í pott og blandið vel saman við vægan hita og þangað til að döðurnar eru farnar að mýkjast vel.
Bætið rice crispies, trönuberjum og karamellu kókosflögum saman við blönduna.
Blandan fer því næst í form með bökunarpappír undir, þrýstið blöndunni vel niður í formið.
Bræðið súkkulaði yfir vatnsbaði, hellið yfir blönduna og stráið grófu salti og kókosflögum yfir súkkulaðið.
Kælið, skerið niður í litla bita og berið fram