fbpx
Laugardagur 16.janúar 2021
Matur

Eliza og Guðni héldu upp á þakkargjörðarhátíð í gær – Uppskrift af eftirréttinum

Máni Snær Þorláksson
Mánudaginn 12. október 2020 10:30

Mynd: Samsett DV

Ekki missa af Helstu tíðindum dagsins í pósthólfið þitt

Lesa nánar

Eliza Reid, forsetafrú Íslands, hélt í gær upp á kanadíska þakkargjörðarhátíð ásamt fjölskyldu sinni. Eliza greindi frá þessu á samfélagsmiðlum og deildi þar einnig myndum af kræsingunum sem voru á boðstólunum en Elíza er mikill listakokkur.

Í athugasemdum undir færslunni er Eliza spurð hvort einnig sé haldið upp á þakkargjörðarhátíð í Kanada. „Já en á öðrum tíma árs en nágrannar okkar í suðri gera,“ segir Eliza og bætir við að fólk frá Kanada sem búsett er hér á landi hittist venjulega á þessum degi. „En í ár er þetta bara fjölskyldan okkar, af augljósum ástæðum.“

Eliza tekur sérstaklega fram í færslunni að í eftirrétt hafi verið svokallaðir Nanaimo bitar. „Þeir líta mjög girnilega út, gerðirðu þá sjálf?“ er hún spurð í athugasemd undir færslunni. „Já, þetta er allt gert af mér. Guðni hefur marga hæfileika en að elda er ekki einn af þeim.“

Þessir Nanaimo bitar eru ákaflega girnilegir en hér fyrir neðan má finna uppskrift af þeim. Uppskriftin er ættuð frá Kanada og minnir einna helst á kexbotn með búðingskremi og súkkulaðitopp.

Fyrsta lag

1/2 bolli af smjöri

1/4 bolli af sykri

1/4 bolli og 1 matskeið af kakódufti

1 egg

1 og 3/4 bollar af hafrakexi

1 bolli af kókosflögum

1/4 bolli og ein teskeið af fínt skornum möndlum (valfrjálst)

Annað lag

1/2 bolli af smjöri

3 matskeiðar af rjóma

2 matskeiðar af krembúðingsdufti (e. custard powder)

2 bollar af flórsykri

Þriðja lag

30 grömm af miðlungs sætu súkkulaði

2 teskeiðar af smjöri

Skref 1:

Blandið hálfum bolla af smjöri, sykri og kakói yfir vatnsbaði. Hrærið við og við þar til blandan er bráðin og mjúk. Hrærið eggi við og hrærið þar til blandan er orðin þykk, um 2-3 mínútur ætti að duga. Takið af hitanum og blandið hafrakexi, kókosflögum og möndlum við. Þrýstið þessu í botninn á fati.

Skref 2:

Fyrirr annað lag skal hræra saman hálfum bolla af smjöri, rjóma og krembúðingsdufti saman þar til blandan verður létt og mjúk. Bætið við flórsykrinum og hrærið þar til blandan verður aftur slétt og mjúk. Leggið yfir fyrra lagið í fatinu og kælið.

Skref 3: 

Á meðan þetta er að kælast skal bræða súkkulaðið og 2 teskeiðar af smjöri saman í örbylgjuofni eða á lágum hita. Dreifið þessu síðan yfir hitt eftir að það er búið að kælast. Látið súkkulaðið verða hart áður en allt saman er skorið í bita.

Mynd: Allrecepie
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 4 vikum

Þetta borðar Karítas Harpa á venjulegum degi

Þetta borðar Karítas Harpa á venjulegum degi
Matur
16.12.2020

Svona býrðu til þrefalda marengstertu með ís á milli – Fullkominn jólaeftirréttur

Svona býrðu til þrefalda marengstertu með ís á milli – Fullkominn jólaeftirréttur
Matur
25.11.2020

Gómsæt þakkargjörðarmáltíð – Fylltir kalkúnaleggir, sætar kartöflur og trönuberjasulta

Gómsæt þakkargjörðarmáltíð – Fylltir kalkúnaleggir, sætar kartöflur og trönuberjasulta
Matur
24.11.2020

Lágkolvetnamorgunverður Ágústu – „Ég mæli með að þú prófir“

Lágkolvetnamorgunverður Ágústu – „Ég mæli með að þú prófir“