Bananar eru sætir á bragðið og auðvelt að grípa þá með sér sem snarl á ferðinni. Vefsíðan Bright Side hefur tekið saman kosti þess að borða tvo banana á dag, en það getur haft mjög góð áhrif á heilsuna.
Bananar lækka blóðþrýsting, einkum vegna þess að þeir innihalda um 420 milligrömm af kalíum.
Bananar eru trefjaríkir og því fylla þeir magann vel. Þeir innihalda einnig sterkju sem minnkar matarlyst og lækkar blóðsykurinn.
Blóðleysi veldur þreytu og mæðu. Í banönunum er mikið járn sem eykur framleiðslu rauðra blóðfruma, en ástæða blóðleysis er fækkun rauðra blóðfruma. Þá er einnig vítamínið B6 í banönunum, en það kemur lagi á glúkósastig líkamans.
Það er auðvelt að melta banana og valda ekki pirringi í þörmum. Fyrrnefnd sterkja er einnig mjög góð fyrir þarmaflóruna. Fólk með magabólgu eða sem er haldið brjóstsviða má borða banana, sem og fólk með niðurgang. Bananar nefnilega hjálpa til við að endurheimta steinefnin sem tapast úr líkamanum.
Bananar bæta skapið. Í þeim er trýptófan sem er nauðsynlegt svo líkamar okkar geti tekið á móti hamingjuhormóninu serótónín. Að meðaltali eru um 27 milligrömm af magnesíum í einum banana en það er steinefnið sem hjálpar okkur að sofa vel og bætir geð.
Eins og áður segir eru bananar stútfullir af vítamíninu B6 og í einum banana er um fimmtungar af B6 sem meðalmanneskja þarf yfir daginn. Þetta hjálpar líkamanum að framleiða insúlín, blóðrauðu og amínósýrur, sem eru nauðsynlegar við myndun helbrigðra fruma. Bananar innihalda um 15% af ráðlögðum dagskrammti af C vítamíni, mikilvægu andoxunarefni.
Kalíumið í banönum verndar vöðva fyrir krömpum og sjá kolvetnin til þess að efla orku fyrir erfiðar æfingar.
