Barnabókahöfundurinn Bergrún Íris Sævarsdóttir deildi með okkur fyrir skemmstu hvað hún borðar á venjulegum degi. Hún deilir hér uppskrift að graskersböku sem er í miklu uppáhaldi hjá henni.

Sjá einnig: Hélt aðeins of lengi augnsambandi við rollu í hríðum

Graskerskaka með rjómaostskremi

Hráefni

3 egg (eða hörfræmjöl blandað í vatn)
225 g púðursykur
½ dl matarolía
½ dl jurta- eða kúamjólk
225 g hveiti
2 tsk. lyftiduft
2 tsk. kanill
300 g grófsaxað squash grasker
75 g rúsínur eða döðlur, ef vill

Krem

125 g hreinn rjómaostur eða vegan rjómaostur
50 g flórsykur

Aðferð:

1. Eggjum og púðursykri hrært vel saman. Matarolíu og mjólk bætt saman við. Blandið saman hveiti, kanil og lyftidufti og hrærið út í deigið. Graskeri og rúsínum/döðlum bætt í.
2. Hellið deiginu í smurt bökunarform og bakið kökuna í miðjum ofni við 180°C í ca 40 mínútur. Hrærið rjómaosti saman við flórsykur þar til úr verður krem.
3. Kælið kökuna og smyrjið kreminu á.
4. Ég skreytti kökuna með heslihnetum og kókosflögum en það má nota hvað sem er, eða láta kremið duga.
5. Verði ykkur að góðu.