Sykurminni útgáfa af vinsælasta nammi landsins. Athugið að magnið lakkrísduftinu er smekksatriði, það má setja meira eða minna, allt saman eftir smekk hvers og eins.

1 dl kakósmjör
2,5-3 msk. hlynsýróp
0,5 – 0,7 dl hreint kakó
bragðbæta með góðu salti og hreinu vanilludufti
2 dl ristaðar möndlur
3 tsk. lakkrísduft t.d. Lakrids by Johan Bulow

Bræðið kakósmjörið yfir vatnsbaði. Setjið í skál og blandið öllu saman við. Gott að hræra með písk til að forðast kekki. Ef ykkur finnst súkkulaðið ekki samlagast látið blönduna þá kólna aðeins og hrærið með písk þangað til hún lítur vel út. Ef hún er hinsvegar farin að stífna of mikið og erfitt að vinna með hana þá skuluð þið hita hana aðeins yfir vatnsbaði. Finnið mót sem þið ætlið að nota, setjið möndlurnar í botninn, setjið piparduftið yfir og veltið möndlunum vel upp úr piparduftinu. Hellið súkkulaði blöndunni að lokum yfir. Kælið í 20-30 mín. Skerið í litla bita og njótið.