Í aðdraganda jóla er gaman að leika sér í eldhúsinu og búa til eitthvað sem maður hefur aldrei smakkað áður. Kvöldsnarl er líka tilvalið þegar að kalt er úti. Hér er uppskrift af vefnum Delish sem tikkar í öll boxin – ómóstæðileg ostakúla.
Hráefni:
450 g rjómaostur, mjúkur
¼ bolli karamellusósa + meira til að skreyta með
1 msk. sítrónusafi
½ tsk. kanill
salt
1 bolli rifinn cheddar ostur
1 bolli epli, smátt skorin
2 bollar pekanhnetur, ristaðar og saxaðar
kex til að bera fram með
Aðferð:
Blandið rjómaosti, karamellusósu, sítrónusafa, kanil og salti vel saman. Blandið cheddar osti og eplabitum saman við. Setjið blönduna á plastfilmu og pakkið vel inn þannig að blandan sé í laginu eins og kúla. Frystið í 30 mínútur. Rúllið kúlunni upp úr pekanhnetunum og setjið á disk. Drissið meiri karamellusósu og salti ofan á og berið fram með kexi.