Ofurfyrirsætan Ashley Graham er ein eftirsóttasta fyrirsætan í heiminum í dag, en hún hefur prýtt forsíður tímarita á borð við Vogue, Harper‘s Bazaar, Glamour og Elle.
Ashley er í Dóminíska lýðveldinu eins og stendur að taka upp auglýsingamyndir fyrir nýja sundfatalínu sem hún vinnur í samtarfi með tískumerkinu Swimsuits for All.
Fyrirsætan birtir mynd úr tökunum á Instagram-síðu sinni þar sem hún sést næra sig með Cheetos ostasnarlinu þegar hún á stund á milli stríða.
Ashley hefur látið mikið af sér kveða sem aktivista sem berst fyrir jákvæðri líkamsímynd. Hún varð fyrsta fyrirsætan í stærð 16 til að prýða forsíðu sundfataheftis Sports Illustrated árið 2016 og hefur haldið Ted fyrirlestra um líkamsímynd.
