Þó stutt sé til jóla er enn tími til að baka dýrindis smákökur, eins og til dæmis þessar hér.
Smákökur – Hráefni:
115 g smjör
2 bollar súkkulaðibitar
3/4 bolli ljós púðursykur
1/2 bolli sykur
2 stór egg
1 eggjarauða
1 tsk. vanilludropar
1 1/2 bolli hveiti
2 msk. kakó
1 tsk. maíssterkja
1/2 tsk. lyftiduft
1/2 tsk. matarsódi
1/4 tsk. salt
Aðferð:
Hitið ofninn í 180°C og klæðið ofnplötur með smjörpappír. Setjið smjör og súkkulaði í skál og bræðið í örbylgjuofni í 30 sekúndur í senn þar til allt er bráðnað. Munið að hræra inná milli. Leyfið smjörblöndunni að kólna aðeins og bætið síðan púðursykri, sykri, eggjum, eggjarauðum og vanilludropum saman við og hrærið vel með písk. Blandið þurrefnum vel saman í annarri skál og bætið þeim síðan varlega saman við smjörblönduna. Raðið deigkúlum á ofnplöturnar með góðu millibili því þessar dreifa úr sér. Bakið í 9-10 mínútur og leyfið kökunum alveg að kólna áður en kremið er sett á.
Krem – Hráefni:
1 1/2 bolli hnetusmjör
4 msk. mjúkt smjör
1 1/2 bolli flórsykur
1 tsk. vanilludropar
1/4 tsk. salt
2-3 msk. mjólk
Aðferð:
Hrærið hnetusmjör og smjör vel saman í 3-4 mínútur. Bætið flórsykri, vanilludropum og salti saman við og hrærið vel. Bætið mjólk út í ef þarf. Setjið krem á helminginn af kökunum og notið hinn helminginn af kökunum til að loka samlokunum. Borðið með bestu lyst!
