Aðdáendur Taco Bell ættu ekki að láta þennan rétt framhjá sér fara þar sem þessi quesadilla réttur er frábær eftirlíking af quesadilla sem fæst á Taco Bell.
Sósa – Hráefni:
1 bolli mæjónes
3 msk. safi úr krukku af jalapeño
3 msk. jalapeño, saxaðir
2 tsk. hvítlaukskrydd
2 tsk. kúmen
2 tsk. paprikukrydd
½ tsk. cayenne pipar
salt
Önnur hráefni:
8 meðalstórar tortilla-kökur
4 bollar rifinn kjúklingur
2 bollar rifinn ostur
12 sneiðar ostur, cheddar eða venjulegur
Aðferð:
Blandið öllu í sósuna saman í skál nema saltinu og saltið eftir smekk. Setjið kjúkling í aðra skál og blandið helmingnum af sósunni saman við hann. Takið til stóra pönnu og hitið yfir meðalhita. Setjið eina tortilla-köku á pönnuna og setjið tvær sneiðar af osti á hana, síðan hálfan bolla af kjúklingi og hálfan bolla af osti. Setjið aðra tortilla-köku ofan á. Steikið í um 2 mínútur, snúið síðan við og steikið í 2 mínútur í viðbóti, eða þar til kakan er gullinbrún og osturinn bráðnaður. Endurtakið með restina af tortilla-kökunum og berið strax fram með afganginum af sósunni.
