Það styttist í jólin og margir byrjaðir á jólabakstrinum. Hér er á ferð uppskrift að svokölluðum Crinkle smákökum sem eru mjög vinsælar vestan hafs og algjör unaður í smákökuformi.
Hráefni:
3/4 bolli sykur
1/4 bolli olía
1 tsk. vanilludropar
2 egg
1 bolli hveiti
1/2 bolli kakó
1 tsk. instant kaffi
1 tsk. lyftiduft
1/4 tsk. salt
1/2 bolli flórsykur
Aðferð:
Blandið saman sykri, olíu og vanilludropum. Bætið eggjunum því næst saman við, einu í einu. Blandið hveiti, kakói, instant kaffi, lyftiduft og salti vel saman við þar til allt er blandað saman. Deigið líkist meira blautu kökudeigi en smákökudeigi. Pakkið deiginu inní plastfilmu og kælið í ísskáp í að minnsta kosti 2 klukkustundir. Hitið ofninn í 180°C og setjið smjörpappír á ofnplötur. Hellið flórsykrinum í skál. Takið deigið úr ísskápnum og búið til litlar kúlur úr því, sem þið síðan veltið vel og vandlega upp úr flórsykrinum. Það er mikilvægt að kúlan sé algjörlega hulin með flórsykri því eitthvað af honum bráðnar ofan í kökudeigið við bakstur. Raðið kúlunum á ofnplöturnar og bakið í 10-12 mínútur. Leyfið kökunum að kólna í nokkrar mínútur áður en þið takið þær af plötunum og hámið í ykkur.
