Lasagna er klassískur réttur á kvöldverðarborðum, en til eru fjölmargar mismunandi tegundir af þessu lostæti. Uppskriftin hér fyrir neðan er af vefnum Delish og er án efa eitt besta lasagna sem við höfum smakkað.
Hráefni:
500 g hakk
½ meðalstór laukur, saxaður
salt og pipar
2 hvítlauksgeirar, saxaðir
900 g marinara-sósa eða tómat pastasósa
450 g ricotta-ostur eða kotasæla
1 stórt egg
1 bolli rifinn parmesan ostur
¼ bolli ferskt basil, saxað
1 tsk hvítlaukskrydd
340 g osta ravioli
2 bollar rifinn ostur
Aðferð:
Hitið ofninn í 175°C og smyrjið eldfast mót, sem er sirka þrjátíu sentímetrar að lengd. Hitið stóra pönnu yfir meðalhita og steikið hakk og lauk. Kryddið með salti og pipar og steikið þar til hakkið er eldað og laukurinn mjúkur, eða í um 10 mínútur. Hellið fitunni af pönnunni og setjið hana aftur á helluna. Hrærið hvítlauk og marinara-sósunni saman við. Lækkið hitann og leyfið þessu að malla í um 5 mínútur.
Blandið ricotta-osti, eggi, ¼ bolla parmesan osti, basil, hvítlaukskryddi, salti og pipar saman í skál.
Setjið 1/3 af kjötsósunni í botninn á eldfasta mótinu. Raðið ravioli yfir, setjið síðan helminginn af kjötsósunni, helminginn af ricotta-blöndunni, helminginn af ostinum og restina af parmesan ostinum yfir. Endurtakið og endið á ostinum.
Hyljið eldfasta mótið með álpappír og bakið í 30 mínútur. Takið álpappírinn og bakið í 15 mínútur í viðbót.
