„Endur fyrir löngu, í fjarlægri vetrarbraut“
Svona byrjar ævintýrið! Stjörnustríð eða Star Wars er á efa ein frægasta kvikmyndasyrpa allra tíma. Fyrsta myndin, frá árinu 1977, sló strax í gegn og má segja að ekkert lát hafi orðið á vinsældunum síðan. Nú eru myndirnar alls orðnar átta og sagan sem þar er sögð er ævintýralegri en nokkurn óraði fyrir í upphafi.
Hin epíska kvikmynd Star Wars: A New Hope verður sýnd með lifandi flutningi Sinfóníuhljómsveitar Íslands í Hörpu 3. 4. og 5. apríl.
Þetta er einstakur viðburður fyrir alla aðdáendur Star Wars sagnabálksins sem og tónlistarunnendur.
Til þess að hita upp fyrir tónleikana voru nokkrir meðlimir hljómsveitarinnar fengnir til þess að sýna mátt sinn og leika fyrir okkur þekkt atriði úr myndinni með hljóðfærum sínum. Útkoman er hreint út sagt ótrúleg!
John Williams hefur samið tónlistina við allar Stjörnustríðsmyndirnar. Litrík og glæsileg tónlistin á stóran þátt í vinsældum myndanna enda hefur Williams sópað til sín verðlaunum fyrir tónlistina. Alls notar hann um 50 stef sem snúa aftur og tengjast ákveðnum persónum eða kringumstæðum, rétt eins og Richard Wagner gerði í óperum sínum meira en 100 árum fyrr.
Í flutningi Sinfóníuhljómsveitar Íslands
Í upphaflegu myndinni frá 1977 lék Sinfóníuhljómsveit Lundúna tónlistina, en á þessum tónleikum verður myndin sýnd við lifandi flutning Sinfóníuhljómsveitar Íslands. Þetta eru tónleikar sem enginn kvikmyndaunnandi má missa af.
Kvikmyndin er sýnd með íslenskum texta.
Nældu þér í miða á sinfonia.is
Sími í miðasölu: 528-5050