Donna ehf er rótgróið og leiðandi fyrirtæki í sölu á búnaði til aðhlynningar og flutnings á slösuðum. Viðskiptavinir þeirra eru meðal annars sjúkrabifreiðar, sjúkrahús, heilsugæslustöðvar, lögregla, björgunarsveitir og einkaaðilar. Donna er umboðsaðili flestra helstu framleiðanda sjúkrabúnaðar í heiminum í dag sem hægt er að treysta við erfiðustu aðstæður. Fyrirtækið er með fjölbreytt úrval af vörum til skyndihjálpar og sjúkraflutninga.
Létt og fyrirferðarlítið hjartastuðtæki
Donna býður upp á mjög fullkomin, handhæg og fyrirferðalítil hjartastuðtæki sem eru aðeins um 1 kg að þyngd. Donna seldi á sínum tíma fyrstu hjartastuðtækin sem töluðu íslensku við notendur og hefur alltaf verið leiðandi í sölu hjartastuðtækja. Stuðtækin tala íslensku og gefa góðar leiðbeiningar um hvernig eigi að nota þau þannig að næstum hver sem er getur notað þau. Þessi tæki eru ekki bara ætluð í sjúkrabíla og á sjúkrastofnanir, heldur eru ætluð almenningi. Þau er að finna á næstum öllum sundstöðum, lögreglubifreiðum, stærri skipum, vinnustöðum, opinberum byggingum og jafnvel heimilum og sumarbústöðum.
Hver mínúta skiptir máli
Þegar fólk verður fyrir skyndilegu hjartastoppi hefur það ekki alltaf aðdraganda. Slíkt verður yfirleitt vegna rangra rafboða í hjartanu og fólk þarf ekki að vera með þekkta hjartasjúkdóma fyrir. Við slíkar aðstæður minnka lífslíkur viðkomandi um 10% á hverri mínútu og því mikið tímaspursmál að geta gefið sjúklingnum stuð sem allra fyrst.
Öruggt í notkun
Fólk þarf ekki að veigra sér við að nýta sér hjartastuðtækin því þau skynja hvort hjartslátturinn sé óeðlilegur eða ekki og gefur ekki stuð nema þess sé þörf. Sé reynt að nota tækið á manneskju með eðlilegan hjartslátt, gerir það ekkert. Þau eru einföld í notkun; aðeins þarf að setja þau á brjóstkassa sjúklingsins og láta tækið leiðbeina sér um framhaldið. Yfirleitt dugar eitt eða tvö stuð til að vekja fólk aftur. Óhætt er að nota tækið á alla sem lenda í hjartastoppi.
Alþjóðlegt app með skráðum tækjum
Donna heldur skrá yfir þau hjartastuðtæki sem hún selur og hefur í alþjóðlegri samvinnu með Citizens Save Lives www.citizenssavelives.com/is skráð þau á vefinn. Hægt er að nálgast þessar upplýsingar í appinu cisali þar sem hægt er að sjá hvar næsta hjartastuðtæki er staðsett. Appið er alþjóðlegt sem þýðir að víða erlendis er hægt að afla sér þessara upplýsinga líka. Lærðir fyrstu hjálpendur geta einnig skráð sig á vefinn þannig að upplýsingar um þá komi einnig þar fram. Eigendur tækja sem eru frá öðrum seljendum en Donnu geta einnig skráð tæki sín á netið. Nú þegar hefur yfir 30 mannslífum verið bjargað hér á landi með þessum hjartastuðtækjum. Þar sem þau eru ódýr og handhæg er ljóst að þau ættu að vera til á sem flestum vinnustöðum og heimilum.
Donna ehf
Móhellu 2
221 Hafnafirði
5553100