Arctic Trucks hefur sérhæft sig í jeppabreytingum í um þriggja áratuga skeið. Höfuðstöðvar fyrirtækisins eru að Kletthálsi 3 þar sem rekið er breytingaverkstæði og verslun sem þjónustar jeppa- og ferðafólk. Í dag rekur Arctic Trucks starfsstöðvar á fjórum stöðum í heiminum. „Við erum sérfræðingar í jeppadekkjum og höfum verið í nánu samstarfi við Nokian um hönnun dekkja. Við hönnuðum með þeim 35 tommu alvöru vetrardekk fyrir um þremur árum og þau hafa komið gríðarlega vel út. Enn fremur hönnuðum við í sameiningu 44 tommu snjódekk, sem er eitt stærsta radial dekk í heimi og er það sérstaklega hannað fyrir snjóakstur. Arctic Trucks hefur einmitt gert prófanir á 44 tommu dekkinu við erfiðustu hugsanlegu aðstæður á suðurskautinu og Grænlandsjökli, þar sem það hefur reynst einstaklega vel,“ segir Steinar Sigurðsson hjá Arctic Trucks.
Arctic Trucks er klárlega staðurinn þar sem eigendur stórra jeppa fá vetrardekkin undir jeppana sína og þjónustar fyrirtækið jafnt atvinnubíla, ferðaþjónustufyrirtæki sem og einstaklinga sem eiga stóra jeppa.
Nýtt dekk kynnt um helgina
Um helgina stendur Ferðaklúbburinn 4X4 fyrir stórri jeppasýningu í Fífunni í Kópavogi og mun Arctic Trucks kynna þar lausnir sínar fyrir ýmsar gerðir jeppa, sem og úrval jeppadekkja. Arctic Trucks er umboðsaðili fyrir hin margrómuðu Dick Cepek-jeppadekk og á sýningunni verður kynnt splunkunýtt dekk frá Dick Cepek.
„Þetta er fjórða dekkið í seríunni. Og þar sem við getum núna boðið fjögur mismunandi mynstur geta allir fundið dekk við sitt hæfi,“ segir Steinar sem fékk sent eitt dekk til landsins fyrir sýninguna en dekkin fara síðan í almenna sölu um næstu mánaðamót.
Sjá nánar um Arctic Trucks á vefsíðunni arctictrucks.is. Einnig eru veittar upplýsingar í síma 540-4900 og heimilisfangið er sem fyrr segir Klettháls 3. Þar er opið virka daga frá kl. 8 til 18.