Fylgjendafjöldi sjómannsins Kristjáns Einars Sigurbjörnssonar á Instagram hefur hrunið síðasta sólarhring eftir fregnir af handtöku hans um helgina.
Kristján, sem þekktur er undir gælunafninu Kleini, var handtekinn ásamt tveimur öðrum mönnum og eru þeir grunaðir um hópnauðgun gagnvart konu á þrítugsaldri, á laugardagsnótt, á hóteli á Akureyri. DV greindi fyrst frá málinu á sunnudag. Mennirnir voru látnir lausir á mánudagskvöld og var ekki krafist gæsluvarðhalds yfir þeim.
Sjá einnig: Nauðgunarmálið á Akureyri: Mennirnir látnir lausir
Í gær steig Hafdís Björg Kristjánsdóttir einkaþjálfari fram og greindi frá ofbeldi í sambandi þeirra Kristjáns. Söngkonan Svala Björgvinsdóttir greindi sömuleiðis frá ofbeldi í sambandi hennar og Kristjáns. Sögðust þær styðja hvor aðra.
Sjá einnig: Svala segist standa með Hafdísi og sé sjálf þolandi sama manns
Í baráttuhópum þolenda ofbeldis á Facebook hefur verið hvatt til þess að sýna stuðning við þolendur og hætta að fylgja (e. unfollow) Kristjáni á Instagram.
Í gær var fylgjendafjöldi hans 7.488 manns kl. 13.17. Þegar þetta er skrifað þá er fjöldinn kominn niður í 6.542 og fækkar stöðugt.
