Kona hlaut fjögurra mánaða dóm, skilorðsbundinn til tveggja ára fyrir líkamsáras fyrir rúmum tveimur árum á Sportbarnum Ölveri. Dómurinn var kveðinn upp í Héraðsdómi Reykjaness í gær.
Málið var höfðað með ákæru 15. janúar 2026 gegn ákærðu fyrir sérstaklega hættulega líkamsárás, með því að hafa aðfaranótt laugardagsins 3. febrúar 2024, á Sportbarnum Ölver að Álfheimum 74 í Reykjavík, kastað glerflösku í höfuð þolanda með þeim afleiðingum að hann yfirborðsáverka á höfði og tognun og ofreynslu á hálshrygg.
Þolandi gerði einnig kröfu um miskabætur að fjárhæð 600 þúsund krónur.
Ákærða játaði sök afdráttarlaust og samþykkti bótaskyldu. Við ákvörðun refsingar leit dómari til þess að brotið var hættulegt og tilviljun réði að afleiðingar urðu ekki enn alvarlegri en raunin varð. Var refsing þannig talin hæfileg með fjögurra mánaða dómi skilorðsbundnum til tveggja ára. Var konan einnig dæmd til að greiða 400 þúsund krónur í miskabætur og brotaþola 350 þúsund krónur í málskostnað, auk málsvarnarlauna skipaðs verjanda síns.
