Stjórnvöld í Venesúela hafa greint frá því að að minnsta kosti 100 manns hafi látist í árás Bandaríkjahers á landið þann 3. janúar síðastliðinn. Bandaríkjastjórn hafði sagt að 40 hefðu fallið í árásinni.

„Enn sem komið er – og þá meina ég enn sem komið er – þá eru 100 dánir og svipaður fjöldi særður,“ segir Diosdado Cabello, innanríkisráðherra Venesúela. „Árásin á landið okkar var hrikaleg.“

Bandaríkjamenn gerðu loftárásir á landið, einkum höfuðborgina Karakas, og rændu forsetahjónunum Nicolas Maduro og Ciliu Flores. Þau voru flutt í haldi til New York borgar og eru þar geymd í fangelsi.

Maduro og Flores særðust bæði í árásinni en að sögn Cabello ekki alvarlega og eru þau að ná sér af meiðslum sínum.

Enginn bandarískur hermaður lést í árásinni en sjö slösuðust. Þeir sem létust í árásinni voru venesúelskir og kúbanskir borgarar, hermenn, öryggisverðir og almennir borgar.