Alvarlegt slys varð í gær þegar erlendur ferðamaður, kona á fertugsaldri, féll í Brúará við Hlauptungufoss. Tilkynning um slysið barst klukkan 16:15 og var fjölmennt lið viðbragðsaðila kallað út. Konan fannst fljótt eftir að fyrstu viðbragðsaðilar mættu á vettvang, en hún var úrskurðuð látin á staðnum.
Rannsókn á tildrögum slyssins er nú í höndum rannsóknardeildar Lögreglustjórans á Suðurlandi.
Um er að ræða þriðja ferðamanninn sem lætur lífið í Brúará síðustu þrjú árin. Í september á síðasta ári lést ferðamaður frá Katar lífið eftir að hann féll í Hlauptungufoss í Brúará. Hann var um þrítugt og var á ferðalagi með fjölskyldu sinni. Árið 2022 lést kanadískur fjölskyldufaðir í hörmulegu slysi þegar hann reyndi að bjarga syni sínum sem féll í ána. Honum tókst að bjarga syni sínum en svo hrifsaði straumþung áin manninn með sér.
