Gríðarmiklir skógareldar geisa nú í Los Angeles í Kaliforníu og hefur að minnsta kosti 30 þúsund íbúum Los Angeles og nágrennis hefur verið gert að flýja heimili sín vegna skógareldana. Vatnsskortur er farinn að gera vart við sig og óttast yfirvöld það versta, eins og DV greindi frá í morgun.

Sjá einnig: Los Angeles brennur og stjörnurnar flýja – Skelfileg staða á svæðinu

Svo virðist sem heimili Harry Bretaprins og Meghan Markle, risastórt höfðingjasetur í Montecito, sem og önnur hús á svæðinu, geti verið í hættu vegna eldanna og stóðu hjónin frammi fyrir brottflutningi í dag. Um 140 km eru á milli Montecito og Pacific Palisades þar sem ástandið var verst fyrr í dag.

Rafmagnsfyrirtæki í kringum Montecito lögðu til á miðvikudag að stöðvun rafmagns væri möguleg. Talsmaður Suður-Kaliforníu Edison (SCE), sem er ein stærsta orkuveitan á svæðinu sagði að fyrirtækið væri „að íhuga stöðvun þjónustu vegna almenningsöryggis í hlutum Santa Barbara sýslu vegna aukinnar hættu á skógareldum “. Hann staðfesti að búið væri að tilkynna viðskiptavinum, meðal annars í Montecito, um stöðuna.

Heimilisfang hjónanna er á „hááhættusvæði vegna elda“ (e. High Fire Risk Area) og „getur verið lokað fyrir rafmagn meðan á PSPS stendur til að koma í veg fyrir skógarelda,“ bætti talsmaðurinn við. Um 10.000 manns búa í Montecito sem er með ströngt eldvarnarkerfi sem tryggir allt frá því að hreinsa upp þurrkuð laufblöð til að setja upp eldvarnakerfi í hverri byggingu.

Hjónin keyptu heimili sitt fyrir 14,65 milljónir Bandaríkjadala sumarið 2020 og búa þar með syninum Archie, fimm ára, og þriggja ára dóttur Lilibet.

Hjónin virðast sæta gagnrýni fyrir hvað sem þau gera og ákveða og hafa ítrekað verið  gagnrýnd af umhverfisverndarsinnum fyrir að viðhalda gróskumiklum görðum á svæði þar sem vatnsskortur er algengur.