Lögreglan á höfuðborgarsvæðinu lýsir eftir tveimur mönnum sem hún óskar eftir að ná tali af vegna máls sem er til rannsóknar. Eru mennirnir beðnir um að hafa samband við lögregluna í síma 444 1000.
Í tilkynningunni segir ennfremur:
„Ef einhverjir þekkja til mannanna, eða vita hvar þá er að finna, eru hinir sömu einnig vinsamlegast beðnir um að hringja í lögregluna, en upplýsingum má jafnframt koma á framfæri í tölvupósti á netfangið gudmundur@lrh.is Þótt myndirnar séu misskýrar má ætla að einhverjir geti borið kennsl á mennina.“
