fbpx
Miðvikudagur 12.júní 2024
Fréttir

Hjalti tók strætó upp í Ártún: Ferðin tók aðeins lengri tíma en hann vonaði

Ritstjórn DV
Þriðjudaginn 14. maí 2024 09:00

strætó, rafmagn, strætisvagn

Ekki missa af Helstu tíðindum dagsins í pósthólfið þitt

Lesa nánar

„Sem eldri borg­ar­ar not­um við hjón­in stræt­is­vagna meira en við gerðum áður en mikið vant­ar á að gera notk­un þeirra aðlaðandi,“ segir Hjalti G. Lúðvíksson, landbúnaðarvélaverkfræðingur á eftirlaunum, í aðsendri grein í Morgunblaðinu í dag.

Hjalti segir þar frá strætóferð hans og eiginkonu hans þriðjudaginn 30. apríl síðastliðinn, en þau tóku vagn númer 15 á Laugavegi við Hátún og hugðust fara upp í Ártún. Stigu þau inn í vagninn klukkan 15:30 og voru komin á áfangastað klukkan 16:40.

„Þessi stutti akst­ur tók 1 klst. og 10 mín­út­ur. Í vagn­in­um voru 40-50 manns, en allt í kring voru einka­bíl­ar, flest­ir aðeins með eina mann­eskju inn­an­borðs. Ýmsar spurn­ing­ar vöknuðu við þessa bið í vagn­in­um,“ segir Hjalti í grein sinni.

Fólk afsakaði sig

Hann gagnrýnir fyrirkomulagið í umferðinni á höfuðborgarsvæðinu og segir að ekki virðist hafa skapast þær venjur að veita strætisvögnum forgang. Spyr hann hvort ekki sé hægt að gera ráðstafanir þessar tvær klukkustundir að morgni og tvær klukkustundir seinni part dags þegar umferð er mest til að veita almenningssamgöngum einhvern forgang inn að Elliðaám. „Hvað með sveigj­an­leg­an vinnu­tíma? Ekki nóg gert þar?“

Í grein sinni bendir Hjalti á að þessi leið, númer 15, sé á þess­um tíma með þrjá vagna á klukku­stund, á 20 mín­útna fresti.

„Þetta leiddi af sér að þrír vagn­ar á þess­ari leið voru fast­ir í um­ferðartepp­unni. Maður gat heyrt fólk tala í síma og af­saka að það kæmi of seint, t.d. til vinnu eða fund­ar eða að sækja barnið sitt.“

Lítt aðlaðandi biðskýli

Hjalti segir að sem eldri borgarar noti þau hjónin strætisvagn meira en þau gerðu áður en mikið vanti upp á að gera notkun þeirra aðlaðandi.

„Ísland er nokkuð veður­hart land en mikið vant­ar á að biðskýli séu skjól. Sum þeirra eru mjög óþrifa­leg, rusl og stubb­ar um allt og upp­lýs­inga­skilti um ferðir vagn­anna eru bág­bor­in og sum vant­ar.“

Hann rifjar upp mikinn bíltúr sem þau hjónin fóru í um Evrópu í fyrrahaust.

„Í ferðinni ókum við inn í marg­ar miðborg­ir. Aug­ljóst var að spor­vagn­ar höfðu for­gang og voru oft­ast á miðju veg­ar. Farþegar þurfa alltaf að ganga yfir um­ferðargötu í og úr vögn­un­um. Spor­vagn­ar eru yf­ir­leitt á miðju veg­ar innst í miðborg­um en svo ganga stræt­is­vagn­ar í ytri hverfi og þeir eru á hægri ak­rein, upp við gang­stétt, og þar hef­ur einnig verið veitt­ur rétt­ur fyr­ir leigu­bíla og rút­ur þar sem farþegar fara beint út á gang­stétt og þurfa ekki yfir um­ferðargötu.“

Ekki svo galið?

Hjalti segir að þessar hugleiðingar hans hafi orðið til þess að honum varð hugsað til borgarlínunnar.

„Með aukn­um ferðamanna­straumi og þar með mik­illi aukn­ingu rútu­ferða finnst mér und­ar­legt að ekki hafi verið í umræðunni að hleypa rút­um og leigu­bíl­um með á borg­ar­línu­braut­irn­ar, sem ann­ars eru auðar og tóm­ar á milli ferða. Mikið hef­ur verið munn­höggv­ist um borg­ar­lín­una og stór orð viðhöfð, sem kannski hef­ur valdið því að ekki hef­ur heyrst múkk und­an­farið varðandi þetta mál, enda stórt og dýrt verk­efni. Okk­ur var aldrei sýnd­ur þessi mögu­leiki, með brun­andi bílaum­ferð í miðju en borg­ar­línu og rút­ur og leigu­bíla við jaðra,“ segir Hjalti sem spyr hvort þetta sé svo galið.

„Og ekki endi­lega troða ein­hverj­um gróðri þarna til að auka plássið sem þetta tek­ur. Nóg er af öðrum svæðum fyr­ir gróður, og er ég mik­ill gróðuraðdá­andi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Enok Vatnar sakfelldur fyrir tvær líkamsárásir

Enok Vatnar sakfelldur fyrir tvær líkamsárásir
Fréttir
Fyrir 10 klukkutímum

Vilhjálmur Birgisson vill Sjálfstæðisflokkinn og Framsóknarflokkinn úr ríkisstjórn – „Ömurlegt“ að hlusta á Bjarna og Sigurð Inga

Vilhjálmur Birgisson vill Sjálfstæðisflokkinn og Framsóknarflokkinn úr ríkisstjórn – „Ömurlegt“ að hlusta á Bjarna og Sigurð Inga
Fréttir
Fyrir 14 klukkutímum

Kristján foxillur: „Vonandi tekur ekki 100 ár að afgreiða þá umsókn“

Kristján foxillur: „Vonandi tekur ekki 100 ár að afgreiða þá umsókn“
Fréttir
Fyrir 14 klukkutímum

„Kannski það sé skemmra til kosninga en við vitum“

„Kannski það sé skemmra til kosninga en við vitum“
Fréttir
Í gær

Aktívistar frömdu skemmdarverk á málverki af Karli konungi

Aktívistar frömdu skemmdarverk á málverki af Karli konungi
Fréttir
Í gær

Tekinn próflaus á Suðurlandsveginum og reyndi að koma sökinni upp á annan mann

Tekinn próflaus á Suðurlandsveginum og reyndi að koma sökinni upp á annan mann
Fréttir
Í gær

Ofbeldi gegn stúlkum á Laugalandi – „Trauðla hef ég upplifað það jafn oft að viðmælendur mínir hafi grátið í eins miklum mæli“

Ofbeldi gegn stúlkum á Laugalandi – „Trauðla hef ég upplifað það jafn oft að viðmælendur mínir hafi grátið í eins miklum mæli“
Fréttir
Í gær

Gagnauppsópun fram undan hjá Meta – Þú hefur tvær vikur til að neita að taka þátt

Gagnauppsópun fram undan hjá Meta – Þú hefur tvær vikur til að neita að taka þátt