Konan sem lést í heimahúsi á Selfossi í gær var á þrítugsaldri en tveir karlmenn, einnig á þrítugsaldri, voru handteknir á vettvangi og eru þeir í haldi lögreglu.

Frá þessu er greint í tilkynningu á vef Lögreglunnar á Suðurlandi.

Tilkynning um andlátið barst lögreglu um klukkan 15:30 í gær.

„Lögreglan á Suðurlandi vinnur að rannsókn málsins af fullum þunga með liðsinni tæknideildar lögreglunnar á Höfuðborgarsvæðinu. Rannsóknin beinist að því að upplýsa með hvaða hætti andlát konunnar bar að. Ekki er á þessari stundu unnt að greina frekar frá framgangi rannsóknarinnar.“