Þetta segir Rasmus Tanthold, fréttamaður TV2 í Úkraínu. Hann segir að hugsanleg sókn Úkraínumanna að bænum byggist ekki á því að bærinn sé svo hernaðarlega mikilvægur, heldur um að eyðileggja móralinn hjá rússnesku hermönnunum. „Þeir hafa barist mánuðum saman og misst tugi þúsunda hermanna við að reyna að ná bænum. Ef þetta endar með að þeim tekst það ekki, þá er það mikið áfall fyrir rússneska herinn,“ sagði hann.
Úkraínumenn hafa haldið varnarlínum sínum í vetur og safnað kröftum fyrir átök vorsins og sumarsins, ekki síst í Bakhmut. En Rússar hafa sótt að þeim og gengið á krafta sína í langdregnum átökum um bæinn.
„Ef þeim tekst ekki að ná bænum á sitt vald og Úkraínumenn hrekja þá á brott í staðinn, þá er það niðurlæging af áður óþekktri stærðargráðu í þessu stríði,“ sagði Tanthold.