Sigmundur Guðbjarnason, prófessor emiritus og fyrrverandi rektor Háskóla Íslands, er látinn, 92 ára að aldri. Sigmundur lést síðastliðinn fimmtudag. Morgunblaðið greinir frá þessu í dag.

Sigmundur fæddist 29. september 1931 á Akranesi. Hann lauk stúdentsprófi frá MA og doktorsprófi í efnafræði frá Technische Hochscule í Munchen árið 1959.

Eftir að hafa unnið um tíma í Bandaríkjunum var hann áberandi í íslensku atvinnulífi og gegndi starfi yfirverkfræðings og framleiðslustjóra hjá Sementsverksmiðju ríkisins. Árið 1970 varð hann prófessor í efnafræði við Háskóla Íslands og var hann þar til starfsloka árið 2001. Á árunum 1985 til 1991 var hann rektor Háskóla Íslands.

Hann var forstöðumaður Efnafræðistofu Raunvísindastofnunar HÍ frá 1971 til 1983, varaforseti verkfræði- og raunvísindadeildar HÍ frá 1975 til 1977 og deildarforseti 1977 til 1979.

Þá sat hann í stjórn Sements­verk­smiðju rík­is­ins á árunum 1971 til 1981 og var stjórn­ar­formaður 1973 til 1977. Hann var einnig formaður stjórn­ar Nátt­úru­vernd­ar rík­is­ins 1995-1999. Þá gegndi hann for­mennsku í fjölda nefnda og ráða, var meðal annars formaður Rann­sókn­ar­ráðs Íslands 1994-1997.

Sigmundur hlaut riddarakross fálkaorðunnar árið 1985 og stórriddarakrossinn árið 1991. Þá var hann kjör­inn meðlim­ur í Kon­ung­legu sænsku verk­fræðiv­ís­inda­aka­demí­unni árið 1987.