Á kvöld- og næturvakt lögreglunnar á höfuðborgarsvæðinu bar það helst til tíðinda að tilkynnt var um bifreið í lausagangi í austurhluta borgarinnar. Í henni voru tveir aðilar sem báru þess merki að vera undir áhrifum ávana- og fíkniefna. Þeir voru handteknir og vistaðir í fangageymslu vegna rannsóknar málsins en þeir eru grunaðir um akstur undir áhrifum vímuefna og vopnalagabrot.

Einn ökumaður var handtekinn í Grafarvogi grunaður um að vera undir áhrifum kannabis.

Einn ökumaður var handtekinn í Hafnarfirði grunaður um að vera undir áhrifum áfengis.

Tilkynnt var um eld í bifreið í bílastæða húsi í miðborginni.

Í Kópavogi var óskað eftir aðstoð vegna þjófnaðar úr verslun og innbrots í geymslur.

Á Reykjanesbraut varð árekstur tveggja bifreiða. Engin slys urðu á fólki en önnur bifreiðin var óökufær á eftir.