Fréttamaðurinn kynnti sig sem sem starfsmann hersins og væri hans hlutverk að kalla menn til herþjónustu. Nikolay hélt að um raunverulegt símtal væri að ræða og að yfirvöld vildu kalla hann til herþjónustu. Hann sagðist ekki ætla að mæta og að málið „yrði leyst á annan hátt“.
En hann hafði ekki hugmynd um að símtalið var tekið upp á myndband sem var síðan sett í dreifingu á Telegram, TikTok og Twitter.
Fréttamaðurinn hringdi að sögn í Nikolay og spurði af hverju hann hefði ekki svarað innköllun til herþjónustu. Í fyrstu var ekki talið að það hefði verið Nikolay sem svaraði í símann en síðan staðfesti faðir hans að svo hefði verið. Hann sagði að upptakan, sem gengur ljósum logum um samfélagsmiðla, hafi verið tekin úr samhengi til að láta málið líta illa út fyrir son sinn. „Biðjið þá að birta allt samtalið,“ sagði hann í samtali við PDMNews.
Það var gert. Upptökuna er hægt að sjá með enskum texta hér fyrir neðan.
They allegedly called the son of Putin's press-secretary Dmitry Peskov, Nikolay, and asked him why he did not respond to the military commissariat summons 😂
Can't prove it's him but the tone of voice is really similar. pic.twitter.com/kQv2WcdcCu
— Dmitri (@wartranslated) September 21, 2022
Höfuðpaurinn á bak við símtalið var rússneski fréttamaðurinn Dmitry Nisovtsev, sem er mjög gagnrýninn á rússnesk stjórnvöld, og er einn af þeim sem setur efni inn á YouTube-rásina Popular Politics en hún er mjög gagnrýnin á Vladímir Pútín, forseta.
Í stuttu máli sagt kemur fram í samtalinu að Nikolay sagðist ekki ætla að mæta til herþjónustu, eftir að Dmitry sagði honum að hann hefði verið kallaður til herþjónustu, og að hann væri Peskov og málið yrði leyst eftir öðrum leiðum.
Samtalið gerði fólki ljóst að Nikolay Peskov á ekki að fara á vígvöllinn í Úkraínu eins og mörg hundruð þúsund karlar, sem ekki tilheyra valdastéttinni, eiga að gera.
