fbpx
Miðvikudagur 05.október 2022
Fréttir

Ók um á fjórum nagladekkjum og grunaður um að hafa verið undir áhrifum fíkniefna og lyfja

Máni Snær Þorláksson
Sunnudaginn 14. ágúst 2022 09:19

Lögreglukona að störfum. Myndin tengist fréttinni ekki beint. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Það var nóg að gera hjá lögreglunni á höfuðborgarsvæðinu í gær og í nótt en í dagbók lögreglunnar kemur fram að alls voru skráð 92 mál frá klukkan 17 í gær og til klukkan 05 í nótt. Þá barst lögreglunni tilkynningar um hávaða eða ónæði í öllum hverfum alls 11 sinnum í nótt. Í 9 skipti þurftu lögreglumenn svo að huga að fólki sökum ölvunarástands á ýmsum stöðum á höfuðborgarsvæðinu.

Nokkuð var um að ökumenn væru stöðvaðir við akstur bifreiða í nótt, flestir vegna gruns um akstur undir áhrifum áfengis, fíkniefna eða lyfja. Til dæmis var einn stöðvaður vegna gruns um akstur undir áhrifum bæði fíkniefna og lyfja en bifreiðin sem hann ók á var einnig á fjórum nagladekkjum.

Þá var annar ökumaður stöðvaður fyrir of hraðan akstur en sá ók á 118 km/klst hraða á vegi í 105 Reykjavík þar sem hámarkshraðin var 80 km/klst. Ökumaðurinn var handtekinn vegna gruns um akstur undir áhrifum fíkniefna og lyfja en einnig fyrir vörslu á ætluðu fíkniefni. Hann var færður á lögreglustöð til sýna- og skýrslutöku vegna málsins en var svo látinn laus eftir það.

Í Hafnarfirðinum var svo ökumaður stöðvaður og handtekinn vegna gruns um akstur undir áhrifum fíkniefna en sá var einnig sviptur ökuréttindum. Þá var farþegi í bílnum einnig handtekinn þar sem fíkniefni fundust í fórum hans. Bæði ökumaðurinn og farþeginn voru látnir lausir eftir sýna- og skýrslutökur á lögreglustöð.

Rafhlaupahjólaslys og líkamsárásir

Það var ekki bara bílafólk sem var til vandræða í kvöld heldur einnig rafskútufólk. Um klukkan 1 í nótt datt maður af rafhlaupahjóli á gangstétt í 108 Reykjavík. Maðurinn var fluttur með sjúkrabíl á slysadeild þar sem hann var með áverka á öxlinni sinni. Maðurinn er grunaður um að hafa verið ölvaður á rafhlaupahjólinu og var því sýni tekið úr honum.

Þá var annar maður sem datt af rafhlaupahjóli en sá datt á gangstétt í Hafnarfirðinum. Maðurinn var fluttur með sjúkrabíl á slysadeild vegna áverka á fæti.

Í dagbókinni segir svo frá tveimur líkamsárásum. Önnur þeirra var framin í miðbæ Reykjavíkur en þar var flösku köstað í höfuð á annarri manneskju. Sá sem fékk flöskuna í höfuðið var fluttur á slysadeild en meintur gerandi var handtekinn, fluttur á lögreglustöð og vistaður þar vegna málsins.

Hin líkamsárásin átti sér stað í Mosfellsbæ en þar var meintur gerandi handtekinn á vettvangi og fluttur til vistunar á lögreglustöð í þágu rannsóknar málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 10 klukkutímum

Norðmenn kalla mörg þúsund heimavarnarliða til starfa

Norðmenn kalla mörg þúsund heimavarnarliða til starfa
Fréttir
Fyrir 12 klukkutímum

Nemandi í MH: „Ég vil ekki fokking nauðgara í skólanum mínum“

Nemandi í MH: „Ég vil ekki fokking nauðgara í skólanum mínum“
Fréttir
Fyrir 13 klukkutímum

Nafn hins látna í harmleiknum í Ólafsfirði

Nafn hins látna í harmleiknum í Ólafsfirði
Fréttir
Fyrir 16 klukkutímum

Öflug sókn úkraínska hersins í suðri – Sækir fram á tvennum vígstöðvum

Öflug sókn úkraínska hersins í suðri – Sækir fram á tvennum vígstöðvum
Fréttir
Fyrir 16 klukkutímum

Bretar munu styðja Úkraínu þar til sigur hefur unnist á Rússum

Bretar munu styðja Úkraínu þar til sigur hefur unnist á Rússum
Fréttir
Í gær

Guðrún Óla nýr ritstjóri Vikunnar

Guðrún Óla nýr ritstjóri Vikunnar
Fréttir
Í gær

Ástralar með nýjar refsiaðgerðir gegn Rússlandi

Ástralar með nýjar refsiaðgerðir gegn Rússlandi