„Pútín er hvorki Hitler eða Stalín. Því miður er hann hættulegri. Hann hefur ekki aðeins banvænni vopn til umráða, hann hefur einnig nýja miðla til umráða til að dreifa áróðri sínum,“ segir hann einnig.
Á Sigurdeginum, sem Rússar héldu upp á í síðustu viku, sýndu þeir hluta af vopnabúri sínu á hersýningu á Rauða torginu í Moskvu. Ekki löngu áður hafði Pútín sýnt „stóra vopnið sitt“ þegar Sarmat-flugskeytið var prófað en það segja Rússar vera ósigrandi og geti eytt heilu stórborgunum á augabragði. Einnig hefur því verið velt upp að Pútín kunni að grípa til notkunar kjarnorkuvopna og/eða efnavopna vegna erfiðleika Rússar í hernaðinum í Úkraínu.
Þessu mega vestrænir ráðamenn ekki gleyma í glímunni við Pútín segir Morawiecki. Hann segir að markmið Vesturlanda eigi ekki að vera að styðja Úkraínu í stríðinu gegn Rússland. Það eigi að vera að „útrýma þessari nýju hryllilegu hugmyndafræði við rót þess“. Það krefjist umfangsmikilla aðgerða, svipað og gerðist í eftirleik síðari heimsstyrjaldarinnar.
„Eins og Þýskaland var eitt sinn afnasistavætt, þá er eina vonin fyrir Rússland og hin siðmenntaða heim af-Pútínvæðing,“ segir hann að lokum í grein sinni.
