Þessi spurning var lögð fyrir sérfræðinga í grein í tímaritinu the Atlantic.
Hótanir Pútíns og annarra rússneskra embættismanna um beitingu kjarnorkuvopna verða beinskeyttari
Pavel Podvig, sérfræðingur í málefnum tengdum rússneskum kjarnorkuvopnum, sagði að ráðamenn í Kreml muni aðeins íhuga að beita kjarnorkuvopnum ef Rússar verða fyrir árás sem ógnar tilvist landsins. Meðal slíkra árása gæti verið ef þau landsvæði í Úkraínu, sem Rússar „innlimuðu“ nýlega virðast vera að renna þeim úr greipum. Það getur að hans mati breytt afstöðu Pútíns og leitt til beinni hótana um beitingu þeirra.
Fullnaðarsigur Úkraínu og völd Pútíns í hættu
Matthew Kroening, sem starfaði hjá bandaríska varnarmálaráðuneytinu og leyniþjónustustofnunum í valdatíð Bush, Obama og Trump, sagði að ef rússneska elítan snýst gegn Pútín eða gagnrýni hann opinberlega geti Pútín fundist sem hernaðarlegar hrakfarir hans séu að snúast upp í algjörlega niðurlægjandi ósigur. Þá gæti hann gripið til kjarnorkuvopna til að reyna að rísa upp, breyta gangi mála og sýna að hann sé sterkur leiðtogi.
Kjarnorkuvopn tekin úr geymslum
Sérfræðingar telja almennt að ef til þess kemur að Pútín beiti kjarnorkuvopnum þá verði um vígvallarkjarnorkuvopn að ræða. Áður en þau verða notuð þarf auðvitað að flytja þau úr geymslum og að vígvellinum. Engin merki hafa sést um slíkt enn sem komið er.
Hleranir
Ef Bandaríkjamenn hlera fjarskipti eða önnur samskipti Rússa, þar sem fram kemur að verið sé að undirbúa beitingu kjarnorkuvopna gætu þeir ákveðið að gera þær hleranir opinberar. Bandarískir embættismenn hafa fram að þessu sagt að þeir hafi ekki orðið varir við neitt slíkt.
