Hinn ökumaðurinn velti bifreið sinni á Bústaðavegi á níunda tímanum. Enginn meiddist en bifreiðin og götuviti skemmdust. Bifreiðin var fjarlægð af vettvangi með dráttarbifreið. Báðir ökumennirnir voru vistaðir í fangageymslu vegna rannsóknar á málum þeirra.
Á áttunda tímanum í gær voru tveir menn handteknir í bifreið í Miðborginni. Þeir eru grunaðir um vörslu fíkniefna. Hald var lagt á meint fíkniefni. Mennirnir voru látnir lausir að skýrslutöku lokinni. Bifreið þeirra var ótryggð og voru skráningarnúmer hennar því fjarlægð.
Í Kópavogi hafði lögreglan afskipti af konu í íbúð hennar en mikla fíkniefnalykt lagði frá íbúð hennar. Konan afhenti meint fíkniefni.
Á tólfta tímanum var ekið á ljósastaur á Nýbýlavegi en ökumaðurinn stakk af frá vettvangi án þess að tilkynna um tjónið. Orkuveitunni var tilkynnt um málið.