Þórarinn Tyrfingsson, fyrrverandi formaður SÁÁ, sem féll í hallarbyltingu innan samtakanna árið 2020 og lét af formennsku, sendir stjórn SÁÁ tóninn, í nýrri Facebook-færslu. Tilefnið eru ásakanir Sjúkratrygginga Íslands, SÍ, um að SÁÁ hafi innheimt tilhæfulausa reikninga fyrir oftalin viðtöl við sjúklinga, upp á 170 milljónir króna. Málið er komið inn á borð héraðssaksóknara.

SÁÁ sendi frá sér yfirlýsingu í morgun þar sem kæra SÍ er hörmuð. Í yfirlýsingunni er kvartað undan framgöngu deildarstjóra eftirlitsdeildar SÍ, Ara Matthíassonar, en hann er fyrrverandi framkvæmdastjóri SÁÁ:

„Framkvæmdastjórn SÁÁ harmar þann farveg sem málið er komið í. Af hálfu SÁÁ hefur verið reynt að skýra hvernig verklagi var háttað, en í bréfi Ara Matthíassonar, deildarstjóra eftirlitsdeildar SÍ, sem dagsett er 29. desember 2021 og birt er á visir.is, er ekki tekið tillit til þeirra skýringa.“

Þórarinn gagnrýnir SÁÁ harkalega fyrir þetta og segir:

„Framkvæmdastjórn SÁÁ starfsárið 2020-2021 er skipuð eftirtöldum:

Einar Hermannsson – Formaður

Héðinn Eyjólfsson

Anna Hildur Guðmundsson

Gróa Ásgeirsdóttir

Sigurbjörg A. Þór Björnsdóttir

Þráinn Farestveit

Sigurður Friðriksson – varaformaður

Frosti Logason

Svala Ísfeld Ólafsdóttir

Þetta fólk er nú að djöflast á Ara Matthíassyni sem er að vinna vinnuna sína hjá SÍ, nefna nafns hans og kenna honum óbeint um sín brot á lögum SÁÁ og landslögum“