Yfirvöld í Rússlandi hafa ákveðið að takmarka ferðir Rússa yfir landamærin til Georgíu. Tugir þúsunda hafa komið að landamærunum síðustu daga en þessi miklu straumur fór af stað eftir að Vladímír Pútín, forseti, tilkynnti um herkvaðningu 300.000 karla sem senda á til Úkraínu.

Rússar hafa nú þegar komið upp varðstöðvum nærri landamærunum og hafa nú sett þak á þann fjölda bíla sem mega fara yfir landamærin daglega.

Einnig hafa borist fregnir af því að herkvaðningarskrifstofum hafi verið komið upp við landamærin til að hægt sé að innrita menn á staðnum og senda beint í þjálfun.