Guðlaugur Þór Þórðarson utanríkisráðherra var í prófkjörsbaráttu gegn Áslaugu Örnu Sigurbjörnsdóttur dómsmálaráðherra fyrr á árinu. Í gær kom fram að framboð Áslaugar hafi kostað 8,7 milljónir og á vef Ríkisendurskoðunar má nú sjá að framboð Guðlaugs hafi kostað rúmar 11 milljónir.
Framboð Guðlaugs kostaði alls 11.114.091 krónur en uppgjörið má finna á vef Ríkisendurskoðunar. Þar kemur fram að Guðlaugur hafi eytt 6,4 milljónum í að reka kosningaskrifstofu sína en 4,7 milljónir fóru í kostnað við kynningar og auglýsingar.
Guðlaugur eyddi 4,5 milljónum sjálfur í prófkjörið en afgangurinn kom frá einstaklingum og lögaðilum. Alls voru framlög einstakling 4,1 milljónir en lögaðilar lögðu fram 2,8 milljónir í framboðið.
