Í kjölfar frétta af gríðarlegri aukningu Covid-19 smita í samfélaginu tilkynnti Þórólfur Guðnason sóttvarnalæknir í vikunni að hann hyggðist afhenda heilbrigðisráðherra minnisblað með tillögum um aðgerðir innanlands. Áður hafði ríkisstjórnin ákveðið að herða takmarkanir á landamærunum þannig að allir þurfi, bólusettir og ekki, að framvísa neikvæðu PCR próf. Þó eru þar þau nýmæli að hraðpróf verða tekin gild.
Degi eftir að minnisblaðið var afhent ráðherranum boðaði Katrín Jakobsdóttir til ríkisstjórnarfundar og var ákveðið að hann skyldi halda á Egilsstöðum á Hótel Valaskjálf. Var það gert í ljósi þess að margir ráðherranna voru komnir austur á land, sumir vegna jarðarfarar Þórunnar Egilsdóttur, fyrrum þingmanns Framsóknarflokksins sem fram fór í dag. Þórunn lést níunda þessa mánaðar á Akureyri.
Þegar ljóst varð að þau fjögur almenn áætlunarflug sem voru á dagskrá í fyrradag frá Reykjavík til Egilsstaða voru öll uppbókuð, var brugðið á það ráð að ferja þá þrjá ráðherra sem voru í Reykjavík austur á land. Þeir ráðherrar voru flokkssysturnar Þórdís Kolbrún Reykfjörð Gylfadóttir og Áslaug Arna Sigurbjörnsdóttir auk formanns Framsóknarflokksins, Sigurði Inga Jóhannssyni.
Samkvæmt heimildum DV voru þó fleiri í flugvélinni, þó ekki liggi fyrir hverjir það voru.
Myndir náðust af ráðherrunum bíða á flugvellinum í fyrradag. Vakti myndin af ráðherrunum sitjandi í biðstofu Ernis við Reykjavíkurflugvöll sérstaka athygli þar sem Sigurður Ingi virtist vera að skoða einhverskonar kvittun. Ekki stóð á bröndurum frá húmoristum Internetsins.
Sigurður Ingi augljóslega með besta aðstoðarmanninn. Sendur í flug með smá minnismiða með stikkorðum. Eiginlega svona svindlmiða. pic.twitter.com/GIP5yhGhTU
— Hanna-Katrín (@HannaKataF) July 23, 2021
Í kjölfar fundarins gaf upplýsingafulltrúi ríkisstjórnarinnar, Róbert Marshall, það út að flugferðin hafi kostað 800 þúsund krónur, og ætlaði þá allt um koll að keyra á samfélagsmiðlum. „Bruðl“ öskruðu sumir á meðan aðrir spurðu, miskurteisislega hvort ekki hefði verið hægt að halda fundinn með fjarfundarbúnaði. Helga Vala Helgadóttir, þingkona Samfylkingarinnar, var ein þeirra sem gagnrýndi ferðamáta ráðherranna. Það gerði hún með harðorðri færslu á Facebook, sem sjá mér hér að neðan.
Katrín Jakobsdóttir benti síðar á að fundinn hefði ekki verið hægt að halda með fjarfundabúnaði vegna netöryggismála, en líka vegna þess að ríkisstjórnarfundi ber að halda um ákveðin málefni. „Við höfum ekki verið með fjarfundi í ríkisstjórninni, bæði út af netöryggisástæðum en auk þess er þetta meiri háttar stjórnarmálefni sem ber að ræða á ríkisstjórnarfundi,“ sagði Katrín. Ekki fór mikið fyrir þessum orðum Katrínar, en segja þeir sem DV hafa rætt við um málið að þar hafi hún hitt naglann á höfuðið. Hafa sumir þeirra haft á því orð að óvíst er hvort fjarfundur standist kröfur stjórnarskrárinnar um ríkisstjórnarfundi. Þá bentu þeir jafnframt á að eini maðurinn sem dæmdur hefur verið af Landsdómi vegna starfa sinna sem ráðherra, var dæmdur fyrir einmitt það að halda ekki slíkan fund um mikilvægt stjórnarmálefni. Það langar því líklega fæstum að taka neina sénsa þegar kemur að þessum kröfum stjórnarskrárinnar.
Þá benti blaðamaður Fréttablaðsins, Magnús H. Magnússon á það að málið er auðvitað þrælpólitískt: „Elska hvernig leigð hreyflavél verður að einkaþotu þegar pólitískir andstæðingar stíga fæti inn í hana,“ segir hann meðal annars í viðbrögðum sínum við færslu Sigurborgar Óskar Haraldsdóttur, borgarfulltrúa Pírata. Þá má sjá brot af öðrum viðbrögðum á samfélagsmiðlum við fluginu hér að neðan.
Elska hvernig eh leigð hreyflavél verður að einkaþotu þegar pólitískir andstæðingar stíga fæti inn í hana😅 .. svo jú er því miður tími ráðherra mikilvægari og oft óútreiknanlegri en annarra. Þetta fólk er oft að reyna vera allstaðar at once og því er áætlunarflug erfitt. https://t.co/ie61j6FaLT
— Magnús H. Jónasson (@Maggih90) July 24, 2021
Ég vil að ríkisstjórnin taki aðra þotu á leigu og skelli sér í langt frí til Norður Kóreu.
— Stefán Máni (@Stefan_Mani_) July 23, 2021
Ekki nema fjórar áætlunarvélar til Egilsstaða síðdegis í dag. Auðvitað þurftu þau að leigja þotu! pic.twitter.com/EPUUxkfCCd
— Andrés Ingi (@andresingi) July 23, 2021
Veit að það svarar ekki beint spurningu þinni, en ætli málið sé ekki það að það myndi ekki teljast formlega séð vera ríkisstjórnarfundur, og íslenskur ráðherra hefur verið sakfelldur fyrir að halda ekki ríkisstjórnarfundi um mikilvæg málefni.
— Konrad Jonsson (@konradj) July 23, 2021
Já ég skil. Held að ríkisstjórnarfundur sé ekki sambærilegur vettvangur og sveitastjórn eða Alþingi, sem taka bindandi ákvarðanir fyrir okkur hin. S.s. ekki sömu formreglur þegar ríkisstjórn fundar t.d. um fyrirhugaða reglugerð sem einn ráðherra setur og ber í reynd einn ábyrgð á
— Andrés Fjeldsted (@andresfjeld) July 24, 2021
Dornier 328 einkaþota 😂
— Haukur Heiðar (@haukurh) July 23, 2021
Dornier 328 einkaþota 😂
— Haukur Heiðar (@haukurh) July 23, 2021
