fbpx
Fimmtudagur 23.september 2021
Fréttir

Himinhátt verð á bílaleigubílum á Íslandi – Ódýrasti bíllinn kostar 1,36 milljónir í þrjár vikur – „Þetta er sanngjarnt“

Máni Snær Þorláksson
Þriðjudaginn 13. júlí 2021 10:34

Mynd af bíl/Pixabay - Myndin er samsett.

Ekki missa af Helstu tíðindum dagsins í pósthólfið þitt

Lesa nánar

Þessa stundina streyma ferðamenn til landsins og vilja margir þeirra leigja bíl til að bruna um allt Ísland og sjá sem mest á sem stuttum tíma. Fólk sem hefur ferðast um landið undanfarna daga hefur eflaust séð hvíta Dacia Duster bíla í röðum, alla með límmiða á eldsneytislokinu til að passa að túristinn setji alveg örugglega bensín en ekki dísel. Ljóst er nefnilega að eftirspurnin eftir bílaleigubílum hefur snaraukist vegna aukins straums ferðamanna til landsins og aðdáendur hagfræðingsins Adam Smith vita upp á hár hvað gerist þegar eftirspurnin fer hækkandi, verðið hækkar með.

Það bjuggust þó eflaust fæstir við því að verðið myndi hækka upp úr öllu valdi eins og raunin er í dag. Ef leitað er eftir bíl til leigu í þrjár vikur í júlí og ágúst hér á landi á vefsíðunni Rentalcars.com má sjá að einungis er hægt að leigja þrjá bíla á þeim tíma. Ódýrasti bíllinn sem hægt er að leigja er af gerðinni Opel Astra og kostar leigan á þeim bíl, eða öðrum af svipaðri gerð, ekki nema 1.364.600 krónur. Annar kostur er að leigja aðeins stærri bíl af gerðinni Nissan Qashqai en það kostar 2.321.630 að leigja þann bíl, eða annan af svipaðri gerð, í þrjár vikur.

Skjáskot/Rentalcars.com
Skjáskot/Rentalcars.com

Bæði verðin sem sjá má hér fyrir ofan koma frá bílaleigunni Sixt. DV hafði samband við starfsmann bílaleigunnar sem sagði að þessi verð væru nærri lagi. „Ég get ekki staðfest að þetta sé nákvæmlega rétt verð en ég get staðfest að núna eru verð yfirhöfuð mjög há hjá Sixt og öðrum fyrirtækjum,“ sagði starfsmaður Sixt í samtali við blaðamann. „Þetta er sanngjarnt fyrir svona langan tíma.“

Þar sem verðin á bílaleigubílum er svona hátt gæti það hreinlega borgað sig fyrir ferðamenn að kaupa bara bíla hér á landi í staðinn. Það kostar til að mynda svipað mikið að leigja Opel Astra bílinn og hreinlega að kaupa notaðan Opel Astra af árgerðinni 2016 sem keyrður er í kringum 80.000 kílómetra. Þó svo að bílakaup séu sjaldan talin vera góð fjárfesting þá gætu þau þó verið það fyrir ferðamenn sem hafa í hyggju að leigja bíl í þrjár vikur á næstunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Hafa gert samning um gjaldfrjáls hraðpróf

Hafa gert samning um gjaldfrjáls hraðpróf
Fréttir
Fyrir 2 dögum

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“
Fréttir
Fyrir 2 dögum

Eldur í íbúð í Kópavogi

Eldur í íbúð í Kópavogi
Fréttir
Fyrir 3 dögum

„Hryllingshúsið“ í Kópavogi seldist á 41,5 milljónir

„Hryllingshúsið“ í Kópavogi seldist á 41,5 milljónir
Fréttir
Fyrir 3 dögum

Óhugnanleg myndbönd frá eldgosinu á La Palma – Hraunið streymir niður göturnar og gleypir heimili fólks

Óhugnanleg myndbönd frá eldgosinu á La Palma – Hraunið streymir niður göturnar og gleypir heimili fólks
Fréttir
Fyrir 3 dögum

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“