fbpx
Laugardagur 24.júlí 2021
Fréttir

Húsnæðisvandi blasir við Hjallastefnunni – Missir húsnæðið í Öskjuhlíð

Kristján Kristjánsson
Föstudaginn 14. maí 2021 08:00

Húsnæði Hjallastefnunnar í Öskjuhlíð. Mynd:Vefsíða Reykjavíkurborgar

Ekki missa af Helstu tíðindum dagsins í pósthólfið þitt

Lesa nánar

Sumarið 2022 missir Hjallastefnan húsnæðið við Nauthólsveg 87 en þar eru leikskólinn Askja og Barnaskóli Hjallastefnunnar til húsa. Það stefnir því í að næsta skólaár verði síðasta árið sem Hjallastefnan hefur tryggt húsnæði fyrir skóla í Öskjuhlíð.

Morgunblaðið skýrir frá þessu í dag og segir að þetta komi fram í tveimur bréfum sem Hjallastefnan sendi foreldrum í vikunni. Í þeim kemur að sögn fram að alltaf hafi legið fyrir að skólar Hjallastefnunnar yrðu að víkja af lóðinni þegar Háskólinn í Reykjavík þyrfti á henni að halda. Því hafi síðustu ár verið ár skammtímaráðstafana.

Einnig kemur fram að Hjallastefnan hafi fengið vilyrði fyrir lóð til að byggja á í Öskjuhlíð en eftir að hafa farið yfir málið sé það niðurstaða stjórnar Hjallastefnunnar að félagið hafi ekki fjárhagslega getu né tíma til að byggja nýtt skólahúsnæði, sem myndi nýtast að ári liðnu, á lóðinni. Uppbygging myndi kosta mikið vegna aðstæðna og landhalla og ekki verður hægt að nota núverandi byggingar.

„Tekjur barnaskólans eru að mestu framlag Reykjavíkurborgar – 75% á hvern nemanda af meðaltalskostnaði grunnskóla í landinu samkvæmt útreikningi Hagstofunnar. Þær duga því miður ekki fyrir útgjöldum, þrátt fyrir mikið aðhald, jafnvel þótt foreldrar greiði skólagjöld. Barnaskóli Hjallastefnunnar hefur verið rekinn með halla öll árin í Öskjuhlíðinni,“ segir í bréfi til foreldranna.

Kannað hefur verið hvort hægt sé að flytja skólann í húsnæði Korpuskóla en þær viðræður skiluðu ekki árangri. „Ósk stjórnar var sú að Reykjavíkurborg legði Hjallastefnunni til húsnæði en Hjallastefnan legði fram gagnreynda skólastefnu og einstakt starfsfólk sem brennur fyrir málefnum hennar. Sú breyting á þjónustusamningnum var af hálfu fulltrúa Reykjavíkur talin svo mikil að hún yrði að fá pólitíska umræðu og afgreiðslu,“ segir einnig í bréfi til foreldra að sögn Morgunblaðsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Grunsamlegar mannaferðir í Reykjavík

Grunsamlegar mannaferðir í Reykjavík
Fréttir
Í gær

Aðgerðirnar verða tilkynntar seint í dag

Aðgerðirnar verða tilkynntar seint í dag
Fréttir
Í gær

Lögmaður telur fyrirtækjum heimilt að skikka fólk í skimun vegna kórónuveirunnar

Lögmaður telur fyrirtækjum heimilt að skikka fólk í skimun vegna kórónuveirunnar
Fréttir
Í gær

Kristinn býr í tjaldi eftir að hafa verið borinn út á Ólafsfirði – „Ég var gerður að skrímsli“

Kristinn býr í tjaldi eftir að hafa verið borinn út á Ólafsfirði – „Ég var gerður að skrímsli“
Fréttir
Fyrir 2 dögum

Halldór segir að nú sé runnin upp örlagastund í Covid-19 faraldrinum – „Algjörlega óásættanlegasta niðurstaðan“

Halldór segir að nú sé runnin upp örlagastund í Covid-19 faraldrinum – „Algjörlega óásættanlegasta niðurstaðan“
Fréttir
Fyrir 2 dögum

Íslendingar að missa sig eftir tölur dagsins: „Takk Þórolfur fyrir að sjúga alla lífslöngun úr þjóðinni“ – „Jæja, þá er maður bara orðin þunglyndur aftur“

Íslendingar að missa sig eftir tölur dagsins: „Takk Þórolfur fyrir að sjúga alla lífslöngun úr þjóðinni“ – „Jæja, þá er maður bara orðin þunglyndur aftur“
Fréttir
Fyrir 2 dögum

COVID-19 – Hérna er allt það helsta sem kom fram á upplýsingafundinum – Þórólfur sendir frá sér minnisblað í dag

COVID-19 – Hérna er allt það helsta sem kom fram á upplýsingafundinum – Þórólfur sendir frá sér minnisblað í dag
Fréttir
Fyrir 2 dögum
78 smit í gær