Ein stærsta snekkja veraldar liggur slök við Eyjafjörð líkt og fram hefur komið. Akureyringurinn og lögmaðurinn Jóhannes Már Sigurðsson myndaði snekkjuna með dróna og deildi á youtube. Sést hún þar innrömmuð af íslenskri náttúrufegurð.
Snekkjan er í eigu rússneska viðskiptajöfursins Andrey Melnitsénkó sem er 95. ríkasti maður heims samkvæmt vef Forbes. Snekkjan sem ber nafnið A, er 142 metra löng og möstrin eru um 100 metrar á hæð samkvæmt frétt Fréttablaðsins.
Minímalískur stíll skútunnar er afar grípandi en hún er hönnuð að innan af einum færasta hönnuðu heims hinum franska Philippe Starck.
Starck er frægur fyrir mínímalíska hönnun sína og þekkja margir íslendingar hann sem „sítrónupressuhönnuðinn“ en mikið æði greip um sig hérlendis fyrir rúmum áratug þegar allir og amma þeirra hlupu til og keyptu sítrónupressuna frægu.
Starck hefur hannað fjölda fleyga meðal annars hluta af snekkju Steve Jobs sem nú er í eigi Lauren Jobs.
