fbpx
Þriðjudagur 20.apríl 2021
Fréttir

Skýrist á morgun hvort nýr faraldur kórónuveirunnar sé að skella á

Kristján Kristjánsson
Mánudaginn 8. mars 2021 07:59

Mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Eins og fram kom í fréttum í gær þá er hugsanlegt að nýr faraldur kórónuveirunnar sé í uppsiglingu hér á landi eftir að tveir greindust með veiruna. Báðir voru utan sóttkvíar. Um er að ræða smita af völdum hins svokallað breska afbrigðis veirunnar, B117, sem er meira smitandi en flest önnur afbrigði hennar.

Almannavarnir boðuðu til upplýsingafundar í gær vegna málsins. Þar sagði Þórólfur Guðnason, sóttvarnalæknir, að farþegi, sem kom til landsins 26. febrúar, hefði framvísað neikvæðu PCR-prófi og fyrri skimun á landamærunum hefði verið neikvæð. Fimm dögum eftir komuna til landsins fór viðkomandi aftur í skimun og þá var niðurstaðan jákvæð. Var um breska afbrigði veirunnar að ræða.

Sá smitaði virðist síðan hafa smitað tvo á meðan hann var í sóttkví. Þórólfur tók fram að ekki sé að sjá að viðkomandi hafi brotið sóttvarnarreglur. Allt býr fólkið í sama stigagangi í fjölbýlishúsi.

Þessir tveir, sem smituðust, gætu síðan hafa smitað fleiri, þar á meðal á Landspítalanum og á tónleikum í Hörpu. Í dag er þeim sem sóttu tónleika með Víkingi Heiðari Ólafssyni í Hörpu á föstudaginn boðið að mæta í sýnatöku en fólk þarf að bóka tíma. 800 manns voru á tónleikunum en salurinn tekur 1.600 manns.

Morgunblaðið hefur eftir Þórólfi að á morgun muni sjást betur hver staðan er. Bíða þurfi eftir niðurstöðum skimana á starfsfólki Landspítalans og tónleikagesta. Þá verði hægt að sjá hversu útbreitt smitið er og hvort grípa þurfi til frekari aðgerða. „Þannig að ef enginn greinist í því þá getum við bara verið ánægð með það en þetta sýnir hvað þetta er viðkvæm staða og hvað einn einstaklingur getur verið fljótur að dreifa þessu út um allt,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Rauðagerðismálið: Morðið sem skók þjóðina – Eitt umfangsmesta morðmál Íslandssögunnar rakið

Rauðagerðismálið: Morðið sem skók þjóðina – Eitt umfangsmesta morðmál Íslandssögunnar rakið
Fréttir
Í gær

Íris er í sjokki eftir að eitrað var fyrir hundunum hennar – „Þetta getur ekki verið annað en af ásetningi“

Íris er í sjokki eftir að eitrað var fyrir hundunum hennar – „Þetta getur ekki verið annað en af ásetningi“
Fréttir
Fyrir 3 dögum

Jarðarför Filippusar í beinni útsendingu

Jarðarför Filippusar í beinni útsendingu
Fréttir
Fyrir 3 dögum

Forstjóri Play auglýsir laus störf hjá flugfélaginu – Segir að fyrsta flugið verði á þessu ári – „Bæng bæng“

Forstjóri Play auglýsir laus störf hjá flugfélaginu – Segir að fyrsta flugið verði á þessu ári – „Bæng bæng“
Fréttir
Fyrir 3 dögum

Skammtarnir frá Pfizer í júlí hafa tvöfaldast – 244.000 skammtar

Skammtarnir frá Pfizer í júlí hafa tvöfaldast – 244.000 skammtar
Fréttir
Fyrir 4 dögum

Þrjú smit utan sóttkvíar í gær

Þrjú smit utan sóttkvíar í gær