Fjöldi hvirfilbylja myndaðist yfir miðríkjum Bandaríkjanna seint á föstudagskvöld og fram á laugardagsmorgun. Olli óveðrið gríðarlegri eyðileggingu í að minnsta kosti fjórum ríkjum Bandaríkjanna og óttast er að fjöldi látinna kunni að fara yfir 100. CNN greindi frá því nú í morgun að fjöldi látinna sé nú að minnsta kosti 70.
Tilkynnt hefur verið um 30 hvirfilbylji sem mynduðust í sex ríkjum. Sá sem mestri eyðileggingu olli skreið yfir fjögur ríki Bandaríkjanna, Arkansas, Missouri, Tennessee og Kentucky, og kann að hafa sett Ameríkumet í lengd. Mun hann hafa skriðið um 360 kílómetra leið og ollið gríðarlegri eyðileggingu og mannfalli.
Afar óalgengt er að hvirfilbyljir snerti niður á þessu svæði í desember og hafa spunnist umræður um það vestanhafs að bylgjan kunni að vera afleiðing hlýnun jarðar af mannavöldum. Joe Biden Bandaríkjaforseti gerði hið minnst að því skóna í gær í ræðu sinni í Hvíta húsinu og voru pólitískir andstæðingar hans í Repúblikanaflokknum snöggir til að gagnrýna hann fyrir að breyta harmleik í pólitískan leik.
Hér að neðan má sjá myndbönd af hvirfilbylnum stóra sem náðist að næturlagi og loftmyndir af eyðileggingunni sem óveðrið olli. Neðst er svo upptaka af neyðarkalli konu sem festist í rústum húss sem eyðilagðist í hvirfilbylnum. Konan starfaði í kerta verksmiðju í Mayfield í Kentucky. Neyðarkallið sendi konan út á Facebook Live.