fbpx
Þriðjudagur 28.maí 2024
Fréttir

Willum segir fylliefni stríð á hendur – Vill takmarka meðferðir til útlitsbreytinga án læknisfræðilegs tilgangs

Ritstjórn DV
Þriðjudaginn 14. maí 2024 12:16

Ekki missa af Helstu tíðindum dagsins í pósthólfið þitt

Lesa nánar

Heilbrigðisráðuneytið kynnir nú til samráðs í samráðsgátt stjórnvalda drög að reglugerð um takmarkanir á meðferðum til útlitsbreytinga án læknisfræðilegs tilgangs. Með reglugerðardrögum er stefnt að því að takmarka heimildir til að veita tilteknar meðferðir til útlitsbreytinga við löggiltar heilbrigðisstéttir.

Áður voru reglugerðardrög send í samráð í nóvember en nú hafa verið gerðar töluverðar breytingar sem lúta helst að gildissviði. Nú er gildissviðið afmarkað við meðferðir þegar lækningatækni, þ.e. „efni, efnasamsetningar eða hlutir, er notað í andlits-, húð eða slímhúðarfyllingar með því að sprauta því undir húð, í slímubeð eða leðurhúð eða sett inn á annan hátt“. Með öðrum orðum er átt við meðferðir með fylliefnum. Séu slíkar meðferðir ekki gerðar rétt getur það haft alvarlegar afleiðingar í för með sér. Andlits- og húðmeðferðir sem teljast hættuminni, svo sem húðslípun, örnálameðferð og laser, falla utan reglugerðarinnar.

Verði reglugerðin samþykkt munu læknar með sérfræðileyfi í húðlækningum og lýtalækningum hafa heimild til að nota fylliefni og eins læknar, tannlæknar og hjúkrunarfræðingar sem hafa aflað sér fullnægjandi þekkingar og hæfni til að veita meðferðina. Þeir sem veita meðferð eiga að hafa gilt starfsleyfi og veita meðferð á heilbrigðisstofnun eða starfstofu heilbrigðisstarfsmanns og hafa að auki gilda tryggingu samkvæmt lögum um sjúklingatryggingu.

Þegar drög reglugerðar voru kynnt í nóvember bárust á fjórða tug umsagna. Þar mótmæltu meðal annars ófaglærðir sem hafa veitt fylliefnameðferðir sem telja vegið að atvinnufrelsi sínu. Eins var bent á að þar sem ekki er um læknisfræðilega nauðsynlega meðferð að ræða sé með reglugerðinni verið að auka álag á heilbrigðisstarfsmenn sem sé nú mikið þegar. Hætt sé við því að reglugerðin skapi svartan markað fylliefna og fullyrðingar um alvarlegar afleiðingar af mistökum við sprautun fylliefna séu úr lausu lofti gripnar enda dæmin mjög fá á þeim fjórum áratugum sem slíkar meðferðir hafi verið veittar.

Því var eins mótmælt að hjúkrunarfræðingum væri sniðinn þrengri stakkur en sérfræðilæknum, enda hjúkrunarfræði fjögurra ára háskólanám og sjái stéttin um að sprauta botox og fylliefni víða erlendis. „Þessar takmarkanir vekja óhjákvæmilega upp þá spurningu hvort hagsmunir ákveðinna læknastétta hafi þar áhrif“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Íslendingar deila bestu sparnaðarráðunum: „Hef aldrei átt eins mikinn pening“

Íslendingar deila bestu sparnaðarráðunum: „Hef aldrei átt eins mikinn pening“
Fréttir
Fyrir 20 klukkutímum

Missti hluta af öðru nýranu en fær engar bætur

Missti hluta af öðru nýranu en fær engar bætur
Fréttir
Í gær

Beraði sig á miðri götu í Bústaða- og Fossvogshverfi í nótt

Beraði sig á miðri götu í Bústaða- og Fossvogshverfi í nótt
Fréttir
Fyrir 2 dögum

Anita hvetur yfirvöld til að segja nafn látinnar dóttur sinnar upphátt – „Þetta eru óafturkræf mistök, óafturkræf vanræksla“

Anita hvetur yfirvöld til að segja nafn látinnar dóttur sinnar upphátt – „Þetta eru óafturkræf mistök, óafturkræf vanræksla“
Fréttir
Fyrir 2 dögum

Bein útsending: Bestu skákmenn Íslands berjast í æsilegu hraðskáksmóti á vegum Róberts Wessman

Bein útsending: Bestu skákmenn Íslands berjast í æsilegu hraðskáksmóti á vegum Róberts Wessman
Fréttir
Fyrir 2 dögum

Frosti endurheimti verðmæti sem stolið var frá honum í innbroti – „Hver dagur er hrikaleg barátta hjá þessu fólki“

Frosti endurheimti verðmæti sem stolið var frá honum í innbroti – „Hver dagur er hrikaleg barátta hjá þessu fólki“