Á ellefta tímanum í gærkvöldi var tilkynnt um þjófnað úr skáp í búningsklefa íþróttahúss í Kópavogi. Þar hafði fatnaði, farsíma og fleiri munum verið stolið úr skáp sem var læstur með hengilás. Miðað við staðsetningu símans þá var hann enn í húsinu og biðu lögreglumenn þar til allir gestirnir höfðu yfirgefið íþróttahúsið og fundu fötin, símann og aðra muni í öðrum læstum skáp.
Um klukkan 22 missti ökumaður stjórn á bifreið sinni á Heiðmerkurvegi og lenti hún út af veginum. Engin slys urðu á fólki en dráttarbifreið þurfti til að ná bifreiðinni aftur upp á veginn.
Um miðnætti var ofurölvi kona á bílastæði við verslunarmiðstöð í Reykjavík. Henni var ekið heim.