Maður nálgaðist nemendur í 7. bekk í Seljaskóla í dag og beraði sig fyrir framan þá. Gerðist þetta í frímínútum. Vefur Hringbrautar greinir frá þessu og hefur upplýsingarnar úr tilkynningu sem skólastjórnendur Seljaskóla sendu á foreldra og forráðamenn barna í skólanum í dag.
Í tilkynningunni segir að nemendur hafi brugðist hárrétt við og látið starfsfólk skólans vita af framferði mannsins. Haft hefur verið samband við forráðamenn þeirra barna sem urðu fyrir áreitinu.
Ákveðið hefur verið að auka viðbúnaðarstig í skólanum í frímínútum í kjölfar atviksins.
