Laust eftir klukkan ellefu í gærkvöld var tilkynnt til lögreglu um stuld á spjaldtölvu. Var þetta í hverfi 108 í Reykjavík. Sá sem tilkynnti um þjófnaðinnn hafði upplýsingar um meintan þjóf og fóru lögreglumenn að heimili hins síðarnefnda. Þegar lögreglumenn komu að heimili hans var hann þar fyrir utan í leigubíl og gat ekki greitt fyrir farið. Var hann því einnig ákærður fyrir fjársvik. Spjaldtölvan komst aftur í hendur eiganda síns.

Í dagbók lögreglu segir einnig frá líkamsárás á Seltjarnarnesi sem tilkynnt var laust eftir klukkan hálftvö í nótt. Ungur maður var handtekinn, grunaður um árásina og hann vistaður fyrir rannsókn málsins í fangageymslu lögreglu. Ekki er vitað um áverka árásarþola.