Guðmundur Felix Grétarsson, sem missti báða handleggi sína í vinnuslysi fyrir yfir 20 árum, gekkst undir ígræðsluaðgerð á sjúkrahúsi í Lyon í Frakklandi í dag. Voru þar græddir á hann tveir handleggi. RÚV greinir frá.
Samkvæmt fréttum franskra fjölmiðla, sem RÚV styðst við, er Guðmundi Felix haldið sofandi á gjörgæsludeild. Þetta er sögð einstök aðgerð í sögu læknavísindanna.
Ástand Guðmundar Felix er sagt stöðugt og að fylgst verði vel með líðan hans.
DV ræddi við Guðmund Felix á aðfangadag þar sem hann sagðist helst vilja fá handleggi í jólagjöf en óskaði þó engri fjölskyldu að missa ástvin á þessum tíma.
Sjá: Guðmundur Felix fékk hamborgarhrygg og jólaöl til Frakklands